Bisangilu bia mudimu bua Luabanya
Lumingu luatuadija mu dia 6 Luabanya
Min. 10: Mbangilu, mamanyisha a mu tshisumbu ne Mamanyisha makumbanyine a mu Mudimu wetu wa Bukalenge.
Min. 20: “Tuenze bua tshiuma tshietu tshia mudimu tshipatule bipeta bilenga.” Mutangidi wa mudimu ne mukulu mukuabo badi bakonkonona malu manene a mu tshiena-bualu etshi. Konkononayi mudimu wa tshisumbu bua ngondo isambombo mishale. Elayi bamanyishi ka-lumbandi ne filayi mibelu bua kubambuluisha mua kulubuluka. Zangikayi se: tshipatshila tshietu ntshia kuvudija didifila dietu mu buambi.
Min. 15: “Tudimayi disankidila bua mukanda wa Kuikala ne muoyo wa kashidi.” Bamanyishi basatu anyi banayi, kuikale nsonga umue, badi bakonkonona tshiena-bualu etshi, pashishe badi benza bidikijilu; badi bakuata mudimu ne maleja abidi anyi asatu, pashishe bafila mumvuija. Badi bapeshangana mibelu mikumbanyine ne belangana ka-lumbandi. Mamanyisha a ndekelu.
Musambu wa 120 ne disambila dia nkomenu.
Lumingu luatuadija mu dia 13 Luabanya
Min. 5: Mbangilu ne mamanyisha a mu tshisumbu.
Min. 20: “Tudiku mua kutamba kutumbisha Yehowa mu Tshisanga anyi? ” Mu nkonko ne mandamuna. Ela bana betu bavua kale bampanda-njila bambuluishi nkonko. Nebumvuije muvuabo badilongolole bua kulabula disanka edi. Kankamija buonso badi bapangadije bua kuikala bampanda-njila bambuluishi mu Tshisanga bua kuuja dilomba diabo kumpala kua dîba.
Min. 20: Bidi tshisumbu tshikengela peshi diyuki pa tshiena-bualu “Mikandu itu ikutekesha mu mikolo anyi? ,” tshipatula mu Tshibumba tshia Nsentedi tshia mu dia 1 Kabitende 1994, dibeji dia 27 ne dia 8. Mamanyisha a ndekelu.
Musambu wa 123 ne disambila dia nkomenu.
Lumingu luatuadija mu dia 20 Luabanya
Min. 10: Mbangilu, mamanyisha a mu tshisumbu ne luapolo lua bibutshilu, pamue ne diela pamu’apa tuasakidila bua mapa.
Min. 15: “Tukuatayi mudimu bimpe ne broshire mupiamupia.” Diyukidilangana ne bateleji. Leja amue malu adi asunguluja broshire ne fila ngenyi pa mushindu wa kukuata nende mudimu bua kukolesha ku muoyo bantu badi bafuishe.
Min. 20: “Tutuadijayi malonga a Bible ne mukanda wa Kuikala ne muoyo wa kashidi.” Diyukidilangana ne bateleji. Manaya a tshilejilu abidi maashila pa maleja mafila. Mamanyisha a ndekelu.
Musambu wa 134 ne disambila dia nkomenu.
Lumingu luatuadija mu dia 27 Luabanya
Min. 10: Mbangilu ne mamanyisha a mu tshisumbu. Lomba bateleji bua balonde mu tshikoso malu mamona mu diumvuangana ne difila dia mukanda wa Kuikala ne muoyo wa kashidi anyi pa malonga a Bible matuadija ku diambuluisha dia mukanda eu.
Min. 20: “Tusekelelayi muan’a bute wa Yehowa! ” Ne luya ne musangelu, mukulu umue udi ukonkonona tshiena-bualu etshi mu nkonko ne mandamuna. Udi ukankamija bateleji bua kuenza liste wa bantu babikilabo mu Tshivulukilu ne ku diyuki dia patoke ditshilualua. Dinaya dia tshilejilu diashila pa ngenyi idi mu tshikoso tshia 7: mumanyishi kampanda udi umona muntu kansanga ufika ku Nzubu wa Bukalenge ne ukeja eku ne kuaka. Mumanyishi udi ufika ku dimanya se: muntu’eu uvua mukankamijibue kudi mulela wende kampanda udi musombele mu musoko mukuabo bua kuluaye. Udi ulomba muntu’eu bua asombe pabuipi nende ne dîku diende bua yeye kulonda nabo mu Bible ne mu Recueil de cantiques. Mumanyishi udi umulomba bua kuandamuna lukonko kayi luonso luelaye kunyima kua tshisangilu. Enza nkomenu pa kumanyisha dîba dikala tshisumbu ne bua kuenza difesto dia Tshivulukilu.
Min. 15: Tufilayi Tshibumba tshia Nsentedi ne Réveillez-vous! Bibejibeji bietu bidi ne mushinga mu mudimu wa buambi bua pa buloba bujima; miliyo ne miliyo ya bantu bakajandula bulelela musangu wa kumpala ku butuangaji buabi. Leja mushinga wa kukuata mudimu ne bibejibeji misangu yonso ne wa kubiabanya ku nzubu ne ku nzubu nansha padi difila dikale ditangila mukanda mukuabo. Akula bua bipeta bilenga bia dituku dia ku lumingu bua bibejibeji. Umvuija mushindu udi buambi bua mu misesu ne ku magazin ne magazin butupetesha misangu mivule pa kushila bantu bibejibeji. Vuluija bamanyishi mushinga wa kuangata note ne tshipatshila tshia kunzulula njila wa diabanya. Umvuija bua se: tudi mua kuambila muntu bua kulombaye abonema mu dikumbula dipiadipia bikalaye muleje dijinga dilelela dia kumanya bivule. Leja mushinga wa kudilongolola bimpe kumpala kua kupatuka mu buambi. Manaya a tshilejilu: bamanyishi basatu, umue muikale nsonga, badi baleja mu mêyi makese bibejibeji. Mamanyisha a ndekelu.
Musambu wa 137 ne disambila dia nkomenu.