Bisangilu Bia Mudimu Bua Kasuamansense

Lumingu lua dia 7 Kasuamansense

Musambu wa 98

Min. 5 : Mamanyisha. Mamanyisha makumbanyine a mu Mudimu wetu wa Bukalenge.

Min. 20 : “Tuendayi mu ditabuja.” Mu nkonko ne mandamuna.

Min. 20 : “Tufilayi lumu luimpe ne mmuenenu muimpe.” Tumika ne tshikoso 1 bu mbuelelu wa muyuki. Vuluija ne: pa muaba wa mukanda wa Création nudi kabidi mua kufila mukanda wa Muoyo wa kashidi anyi mukanda wa Nsombelu wa mu dîku pikala tshisumbu tshikale nayi mu stoke. Pashishe konkonona anu bikoso 2-5 patupu. Manaya a tshilejilu malongolola bimpe pa mushindu wa kufila mukanda wa Création, mushindu wa kuenza dikumbulula ne wa kutuadija dilonga ku diambuluisha dia mukanda wa Dimanya.

Musambu wa 48 ne disambila dia nkomenu.

Lumingu lua dia 14 Kasuamansense

Musambu wa 18

Min. 12 : Mamanyisha. Luapolo lua konte. Akula bua tshiena-bualu tshia: “Tumanyishayi Bukalenge.”

Min. 18 : Tukonkononayi luapolo lua tshisumbu bua tshidimu tshia mudimu tshia 1996. Muyuki muibaki ne wa musangelu kudi mutangidi wa mudimu. (Tangila mukanda wa Mudimu wetu, mabeji 100-2) Koka ntema pa malu manene a tshisumbu ne wele bantu ka-lumbandi. Akula pa malu a muvua mudimu wa bampanda-njila ba pa tshibidilu ne bambuluishi mudiundishe bikole mudimu wa buambi mu teritware unudi. Manyisha bishiferi bia bungi bua bantu badi babuela mu bisangilu ne ela kashonyi pa mushinga wa dibuelamu misangu yonso. Leja bipatshila bia meji bidi tshisumbu mua kudifundila ne kudienzeja bua kukumbaja mu tshidimu etshi tshia mudimu.

Min. 15 : “Tufilayi lumu luimpe ne mmuenenu muimpe.” Konkonona anu bikoso 6-8 patupu. Manaya a tshilejilu bua diyukidilangana dia kumpala ne dikumbulula dia ku magazin ne ku magazin. (Tangila Mudimu wetu wa Bukalenge wa Kashipu 1993, dibeji 5, bua mamanyisha makuabu.) Kankamija muntu yonso bua kupinganyinaye bantu ne lukasa luonso.

Musambu wa 123 ne disambila dia nkomenu.

Lumingu lua dia 21 Kasuamansense

Musambu wa 10

Min. 10 : Mamanyisha. Tshikadilu tshia Buena-nkristo mu tulasa. Tatu udi wakula ne muanende bua kumudimuija ku mateyi adiye utuilangana nawu mu bilongelu; ùdi wela kashonyi pa mushinga wa kutabalela malunda ende ne kubenga kubuelakana mu midimu mibi. Udi ukonkonona malu mafunda mu kazubu mu dibeji dia 24 dia broshire wa L’instruction ne umvuija ne: mbia mushinga bua Ntemu kufila tshilejilu tshimpe. Tatu udi uleja amue mateyi adi mua kulobesha nsonga: diangata bintu bia lulengu, diambisha bakaji, dibikidibua ku dijikija lutetuku ku dilolo anyi diditua mu malu a manaya; badi bayukidilangana pa bidibu mua kuenza bua kuepuka ntatu. Tatu udi ukankamija muanende bua kajingakanyi bua kumuleja tunyinganyinga tuende: udi ujinga bua kutumanya ne kufila diambuluisha.

Min. 15 : “Tuikalayi bilejilu mu mêyi ne mu tshikadilu.” Mu nkonko ne mandamuna.

Min. 20 : “Tumanyishayi lumu luimpe mu miaba yonso.” Mu nkonko ne mandamuna. Dikonkonona dia bikoso 1-15 patupu. Bala bikoso 3 ne 5. Tela malu a muaba unudi adi aleja bipeta binudi bapete ku diambuluisha dia bumanyishi bua mu misesu anyi mu miaba ya diambuila bantu.

Musambu wa 32 ne disambila dia nkomenu.

Lumingu lua dia 28 Kasuamansense

Musambu wa 21

Min. 12 : Mamanyisha. Yukidilanganayi pa malu mafunda mu kazubu ka “Mandamuna ku nkonko yenu.”

Min. 20 : “Tumanyishayi lumu luimpe mu miaba yonso.” Mu nkonko ne mandamuna. Dikonkonona dia bikoso 16-35. Amba mushindu unudi mua kutumika ne ngenyi eyi mu muaba unudi. Manaya a tshilejilu pa bikoso 23-5. Bala bikoso 34-5.

Min. 13 : Mikanda ituafila mu Kasuabanga. Netufile bibejibeji bia Tshibumba tshia Nsentedi ne Réveillez-vous ! Kudi mushindu wa kulomba muntu bua abonema mu makumbulula. Yukidilangana pa imue ngenyi, bu mudi: (1) Tshipatshila tshidi bibejibeji bipatuila, tshiumvuija mu mabeji a kumpala. (2) Mbipatula mu miakulu mivule, bidi biambuluisha bua dimanya dia Bible kutangalakadi mu buloba buonso. (3) Tshibumba tshia Nsentedi ntshienza bua didilongela dia muntu pa nkayende, mu dîku ne mu tshisumbu. (4) Bena bitendelelu bishilashilangane badi babibala. (5) Netufile nimero ya ndekelu kudi aba badi bajinga kuyibala ne muoyo mujima. (6) Mbiakanyine bua bantu bakena ne dîba. (7) Tshibumba tshia Nsentedi ntshipatula kumbukila ku 1879; Réveillez-vous ! kumbukila ku 1919. (8) Tudi tubifila ku dipa dikese. (Tangila pa dibeji dia mishinga.) Jikija mu ditela mumvuija menza kudi mubadi udi ne dianyisha.​—⁠Tangila Tshibumba tshia Nsentedi tshia 15 Tshisanga 1986, dibeji dia 32.

Musambu wa 215 ne disambila dia nkomenu.