Bisangilu Bia Mudimu Bua Kashipu

Lumingu lua dia 7 Kashipu

Musambu 181

Min. 8: Mamanyisha. Mamanyisha makumbanyine a mu Mudimu wetu wa Bukalenge. Umvuija luapolo lua tshisumbu bua ngondo wa Kabalashipu.

Min. 15: “Enzayi muenu muonso.” Mu nkonko ne mandamuna.​—⁠Tangila Tshibumba tshia Nsentedi tshia dia 15 Tshisanga 1993, mabeji 28-30.

Min. 22: “Dimanya didi difuma kudi Nzambi didi diandamuna ku nkonko mivule.” Muanetu wa balume udi ulombola dikonkonona dia tshiena-bualu etshi ne bamanyishi babidi peshi basatu, munkatshi muabu muikale nsonga. Umvuija tshikoso 1 pa kuzangika bua tshinyi mukanda wa Dimanya udi upatula bipeta bimpe bua kutuambuluisha bua kuandamuna ku nkonko. Dinaya dia tshilejilu: longolola manaya a tshilejilu ne fila mibelu bua kuakaja dileja dionso dienjibua.

Musambu 200 ne disambila dia nkomenu.

Lumingu lua dia 14 Kashipu

Musambu 189

Min. 10: Mamanyisha. Luapolo ya konte.

​Min. 15: “Bansonga, mbinganyi bidi bipatshila bienu bia mu nyuma?” Batatu ba dîku babidi badi bakonkonona pamue tshiena-bualu. Badi balongolola mishindu ya kuambuluisha bana babu bua kumvuabu bua tshinyi mbia mushinga bua kudifundila bipatshila bia teokrasi, tshiabatuadila mabenesha a mu nyuma, pamutu pa kuipatshila masanka a bintu bia ku mubidi.​—⁠Tangila mukanda wa Mudimu wetu, mabeji 116-18.

Min. 20: Dilongesha bakuabu: dikengedibua dinene. Muyuki kudi mukulu. Konkonona luapolo lua mudimu wa buloba bujima bua 1996 mu Annuaire 1997, dibeji 33. Madikolela mavule bua kufila bumanyishi muaba udi bantu adi akuamisha mamuma. Mpindieu, kudi dikengedibua dia lukasa bua kutangilula bantu batuvua bashile mukanda kampanda ne bua kubalongesha bulelela. Patudi tupetangana nabu mu miaba ya patoke, tubebeje ne mbabi mêna abu ne miaba idibu basombele bua kubakumbulula. Bidi bitukengela kuenza bipitshidile dikuna patupu dia lutete lua Bukalenge; tudi kabidi ne bua kulumiamina mâyi. (1 Kol. 3:​6-8) Padi lutete lukuna mu buloba buimpe, dilongesha didi dipatula bipeta bilenga didi mua kuambuluisha muntu bua kujingululaye diumvuija diadi. (Mat. 13:23) Tudi ne bua kuenza mudimu wa dilongesha tshishiki ne kabidi ne dizanzamuka. (Eb. 5:12a) Tumika ne ngenyi mileja mu tshisakidila tshia Mudimu wetu wa Bukalenge wa Kashipu 1996, bikoso 25-6. Ela kashonyi pa madikolela adi akengedibua kuenza bua kutuadija malonga ne broshire wa Utulomba peshi mukanda wa Dimanya.

Musambu 204 ne disambila dia nkomenu.

Lumingu lua dia 21 Kashipu

Musambu 192

Min. 10: Mamanyisha. Zangika ngenyi misankishi ya mu nimero ya ndekelu ya bibejibeji.

Min. 15: Bidi tshisumbu tshikengela.

Min. 20: Ndi mu tshitendelelu tshilelela anyi? Mukulu kampanda udi ulombola diyukidilangana ne bamanyishi babidi anyi basatu bakumbane pa kushindamena pa Réveillez-vous ! wa dia 22 Tshisua-munene 1989, dibeji 18. Tutu tukumbula pa tshibidilu bamue bantu badi bamueneka ne muoyo muimpe. Pabi, kabatu banji kuitaba dilonga dia Bible. Konkonona ngenyi ya mu tshiena-bualu etshi tshia mu Réveillez-vous ! idi mua kubambuluisha bua kulamabu mu lungenyi dikengedibua dia kuenza malu mu diumvuangana ne dimanya dijalame. Tuma lungenyi ku malu manene a mu nshapita 5 wa mukanda wa Dimanya, udi ne tshiena-bualu tshia “Nzambi udi wanyisha ntendelelu wa nganyi?” Bala tshikoso 20. Tudi mua kukumbulula bantu ba mushindu eu bua kubakankamija bilengele ne mbabi bua kuitaba dilonga ne bua kubuela mu bisangilu.

Musambu 201 ne disambila dia nkomenu.

Lumingu lua dia 28 Kashipu

Musambu 193

Min. 10: Mamanyisha. “Mapiamapia a teokrasi.”

Min. 15: “Baledi​—⁠Longeshayi bana benu bua mudimu wa buambi.” Mu nkonko ne mandamuna. Akula kabidi bua mêyi-mashidimunyi mafila mu mukanda wa Mudimu wetu pa katshiena-bualu ka: “Diambuluisha dia bana,” mabeji 99-100.

Min. 20: Tudilongolole bua difila dia mu Tshimungu. Sungula broshire umue peshi ibidi mianyisha mu teritware wa tshisumbu ne tangilula amue malu a mushinga mu yonso wa ku broshire eyi. Leja mudibu mua kutumika nayi mu dileja kampanda.

Musambu 211 ne disambila dia nkomenu.