Bisangilu Dia Mudimu Bua Kasuamansense
Lumingu lua dia 6 Kasuamansense
Min. 10: Mamanyisha. Mamanyisha makumbanyine a mu Mudimu wetu wa Bukalenge.
Min. 15: “Tutabalelayi diambedi malu adi matambe mushinga.” Mu nkonko ne mandamuna. Bilondeshile dîba diamueneka, umvuija malu a mu ka-tshiena-bualu: “Fixez-vous un bon ordre de priorités” (Difundilayi bipatshila mudibi bilondangane mu bulongame) mu Réveillez-vous ! wa dia 22 Luishi 1987, mabeji 8-9.
Min. 20: “Tumanyishayi bantu netu Nsapi wa disanka mu dîku.” Muyuki muashila pa bikoso 1 ne 6-8. Manaya a tshilejilu pa bikoso 2-5. Shindika mushinga wa kuditatshisha bua kuenza bayidi ne wa kufika ku tshipatshila tshia kutuadija malonga a Bible.
Musambu 107 ne disambila dia nkomenu.
Lumingu lua dia 13 Kasuamansense
Min. 5: Mamanyisha. Luapolo lua konte.
Min. 15: “Kuditetesha kudi Yehowa: bua tshinyi kudi ne mushinga?” Muyuki wa dikankamija. Kudi mukulu.
Min. 10: “Malonga a Bible adi apatula bayidi.” Muyuki.
Min. 15: Mukulu udi uyukidilangana ne bamanyishi bapiluke batu balombola malonga a Bible pa ka-tshiena-bualu: “Kankamijayi balongi bua kudilambula kudi Nzambi ne kutambuishibua” (tshisakidila tshia Mudimu wetu wa Bukalenge wa 7/96, bikoso 20-2).
Musambu 109 ne disambila dia nkomenu.
Lumingu lua dia 20 Kasuamansense
Min. 10: Mamanyisha ne “Tunyunguluke teritware wetu mu bujima buende.”
Min. 15: Tutumike biakane ne tusete tua video. Tangilula mibelu mifila pa ditumika ne tusete tua video tupatula kudi Société ne londa malu mamonamona a muaba unudi adi aleja mushindu mulenga wa kutumika natu, mu mêku etu ne mu mudimu wa buambi.
Min. 20: Tutuku tutumika ne broshire wa L’école anyi? Mukulu udi ukonkonona tshiena-bualu tshia mu Tshibumba tshia Nsentedi tshia dia 1 Kasuamansense 1985 (Mfual.), mabeji 30-1, ne baledi ne bana. Badi bumvuija mushindu utubu batumika ne broshire wa L’école.
Musambu 112 ne disambila dia nkomenu.
Lumingu lua dia 27 Kasuamansense
Min. 15: Mamanyisha. Vuluija muntu yonso bua afile luapolo luende lua mudimu. Bua kumona mua kuabanya bibejibeji mu Kasuabanga, akula bua mushinga wa ‘kukonkoloja teritware wetu,’ wa ‘kumanya bimpe bibejibeji bietu,’ wa ‘kulongolola mêyi etu a mbangilu,’ wa ‘kumanya mua kupetangana ne mutuyukidishi’ ne wa ‘tuetu kuambuluishangana,’ malu maleja mu Mudimu wetu wa Bukalenge wa Kasuabanga 1996, dibeji 8.
Min. 15: Mushindu wa kutuadija diyuki. Dilubuluka mu mudimu wetu ndisuikakaja nangananga ku bukokeshi buetu bua kutuadija ne bantu mayuki adi ibaka. Bituafika ku diamba bualu budi mua kukoka ntema yabu, netusambuke tshimue tshia ku bijikilu bitambe bunene bitudi tupetangana nabi mu buambi. Akula ne bateleji pa malu manene a mu dilonga dia 16, bikoso 11-14, bia mu Manuel pour l’École. Ebeja bamanyishi bazanzamuke batu batuadija mayuki kakuyi lutatu bua bambe mêyi a mbangilu atubu batuadija nawu bua kuyukila ne: (1) muntu udi wenda ku makasa mu njila, (2) muntu udi muambula mu mashinyi, (3) muena mudimu peshi musumbishi wa bintu, (4) muntu udi mu disumba dia bintu anyi muntu musangana muaba wa dimanyikila mashinyi, (5) muntu musombe pa tshibasa mu lupangu lua nyama ne (6) muntu muyukila nende ku nshinga.
Min. 15: Tutumbishayi mudimu wetu. Diyukidilangana ne bateleji pa mabeji 81-3 a mukanda wa Mudimu wetu. Ela nkonko idi ilonda eyi bua kushindika malu manene: (1) Mmasanka kayi atudi tupeta pa kulonda tshilejilu tshia Yezu? (2) Mmushinga kayi udi nawu bujitu buetu bua diyisha? (3) Ntshinyi tshidi tshitusaka bua kulambula muoyo wetu kudi Yehowa? (4) Mbikadilu kayi bidi muntu udi musue kusadila Nzambi ne bua kuikala nabi? (5) Ntshinyi tshitudi tulongela ku mushindu uvua Yezu muyishe?
Musambu 121 ne disambila dia nkomenu.