Diambulula dia mu Kalasa ka Mudimu wa Teokrasi

Diambulula edi nedienzeke ne mikanda mibuikila pa biena-bualu bilonga mu kalasa ka Mudimu wa Teokrasi kutuadija ku lumingu lua dia 5 Tshiongo too ne lua dia 20 Tshisanga 1998. Funda mandamuna onso audi mua kuikala nawu pa dibeji dikuabu bilondeshile dîba difidibue.

[Dimanyisha: Padi diambulula dienzeka, utumike amu ne Bible nkayende. Mikanda mitela idi kunyima kua lukonko luonso neyikuambuluishe mu makebulula ebe nkayebe. Nimero ya mabeji ne ya bikoso ki mmifidibue yonso bua makebulula ebe mu Tshibumba tshia Nsentedi to.]

Andamunayi Bulelela peshi Dishima ku biambilu bidi bilonda ebi:

1. Mu Bienzedi 15:29, miaku: “Nushale ne bukole” ivua dilaya dia kuikala ne bukole bua mubidi bu buobu mua ‘kudilama ku mashi ne masandi.’ [Dibala dia Bible dia ku lumingu luonso; tangila w91-F 15/6 dib. 18 tshik. 7, note.]

2. Diditatshisha bikole bua dikala-bimpe dia mu nyuma dia bena nkristo ba mu Kolinto diakasaka Paulo ku dibafundila mukanda wende wa kumpala pavuaye mu luendu luende luibidi lua bu-misionere. [si-F dib. 198 tshik. 3]

3. Nansha muvua Yehoshafata mudileje mukalenge uvua mueyemene Yehowa, wakapunga tshipungidi tshia dibaka ne Ahaba mu mushindu mubule meji. [it-2-F dib. 1191 bik. 7-8]

4. Muaku “simonie,” udi mufumine ku malu malonda mu Bienzedi 8:9-24, udi umvuija ngenzelu wa majimbu. [Dibala dia Bible dia ku lumingu luonso; tangila w90-F 1/6 dib. 8 tshik. 8.]

5. Mu Lomo 8:6, 7, “mubidi” udi umvuija ngikadilu wetu mubi wa bantu bapange bupuangane badi bapiane mpekatu. [Dibala dia Bible dia ku lumingu luonso; tangila w91-F 1/3 dib. 7 tshik. 4.]

6. Mu diumvuangana ne Efeso 5:33 (NW), dikala dia mukaji ne kanemu kondoke kudi bayende kadiena disua kumvuija ne: kêna mua kuleja ngenyi yende, nangananga padi tshintu kampanda tshimutatshisha. [kl dib. 144 bik. 12-13]

7. Yitro, muakuidi muena Midiyana, ke wakapesha Mozese mubelu wa ndongoluelu wa kupa bakuabu bukenji. [it-2-F dib. 1208 tshik. 5]

8. Anu bu muvuabi bikole bua kumvua bimpe dilongolola dia Nzambi dia kubueja bena bisamba bia bende mu tshisumbu too ne pakalua bapostolo kumona tshivua bushuwa tshienzeke mu dikumbana dia mulayi, Bantemu ba Yehowa badi bitaba se: mbakajilule ngumvuilu wabu wa amue malu padi Nzambi ufila bukenke ku kakese ku kakese. [jv-F dib. 629 bik. 5-6]

9. Mu Bienzedi 20:20, tshiambilu: ‘ku nzubu ne ku nzubu’ tshidi tshitangila anu makumbula a bulami mu nzubu ya bena kuitabuja netu bualu miaku idi minyunguluke mvese eu idi ileja ne: Paulo uvua wakula ne bakulu ba mu tshisumbu. [Dibala dia Bible dia ku lumingu luonso; tangila w91-F 15/1 dib. 19 tshik. 5.]

10. Bituibidija mutshima wetu bua kuangata malu a mu nyuma ne mushinga, tulomba Nzambi diambuluisha dia spiritu wende, apu netuepuke ‘meji mateka ku malu a mubidi.’ (Lomo 8:6, 7) [Dibala dia Bible dia ku lumingu luonso; tangila w91-F 1/3 dib. 7 tshik. 5.]

Andamunayi ku nkonko idi ilonda eyi:

11. Mbualu kayi bulonda mu mukanda wa Bienzedi budi buleja ne: kuikala ne Dîyi dia Nzambi ne kudibala patupu kakuena kutupetesha dimanya dijalame didi diteka muntu mu njila wa muoyo? [Dibala dia Bible dia ku lumingu luonso; tangila w91-F 1/9 dib. 5 tshik. 16.]

12. Ntshinyi tshidi tshileja mu mêyi avua Paulo mufunde ne: “Makokeshi adiku mmateka mu mianzu yawu milondangane kudi Nzambi”? (Lomo 13:1, NW) [kl dib. 131 tshik. 7]

13. Bua tshinyi mu Bienzedi 11:26, Traduction du monde nouveau udi utumika ne tshiambilu “babikidibue ku bulombodi bua Nzambi ne: bena nkristo,” padi nkudimuinu mikuabu ya Bible kayiyi ileja lungenyi lua “bulombodi bua Nzambi”? [Dibala dia Bible dia ku lumingu luonso; tangila w90-F 1/6 dib. 10 tshik. 19.]

14. Nditabuja kayi dishindame didi nadi Bantemu ba Yehowa didi dibasaka ku dikala bamanyishi ba lukunukunu ne babanyi ba Bible? [jv-F dib. 603 tshik. 3]

15. Ndilonga dia mushindu kayi dia muntu pa nkayende didi dikankamija mu Bienzedi 17:11? [si-F dib. 193 tshik. 38]

16. Mu mukanda wende mufundila bena nkristo ba ku Roma, ntshinyi tshiakaleja Paulo ne dishindika dionso bua bidi bitangila bena Yuda ne badi kabayi bena Yuda? [si-F dib. 194 tshik. 2]

17. Bilondeshile Lomo 12:2, mmu bualabale kayi mudi bumuntu bua bena nkristo buandamuna kudi bukole bua Dîyi dia Nzambi? [Dibala dia Bible dia ku lumingu luonso; tangila w90-F 1/4 dib. 6 tshik. 3.]

18. “Bualu busokoka bua tshijila” butela kudi Paulo mu Lomo 11:25 (NW) ntshinyi? [Dibala dia Bible dia ku lumingu luonso; tangila w83-F 15/11 dib. 16 tshik. 16.]

19. Bua tshinyi tshisumbu tshia bena nkristo tshidi tshileja lungenyi luimpe paditshi tshipata benji ba mpekatu badi kabayi banyingalala? (1 Kol. 5:11, 13) [Dibala dia Bible dia ku lumingu luonso; tangila g96-F 8/9 dib. 27 bik. 3-4.]

20. Mmunyi mudi diunguija makala a kapia pa mutu wa muena lukuna diambuluisha bua kutshimuna bubi? (Lomo 12:20, 21) [Dibala dia Bible dia ku lumingu luonso; tangila g86-F 22/1 dib. 6 tshik. 4.]

Kumbajayi miaba idi mishale patupu mu biambilu bidi bilonda ebi:

21. Filipe wakumvuija mutungula muena Etiyopiya mushindu uvua mulayi wa ․․․․․․․․ mukumbane, ne bu muakapetaye bukenke, ne budipuekeshi buonso mutungula eu wakalomba ․․․․․․․․. (Bien. 8:28-35) [si-F dib. 192 tshik. 33]

22. Pavuabu bakonkonona tshilumbu tshia ․․․․․․․․, ․․․․․․․․ wakashindika dipangadika diende pa kuamba ne: ‘Mêyi a baprofete adi makanangane ne bualu ebu, bu muakafundabu.’ (Bien. 15:15-18) [Dibala dia Bible dia ku lumingu luonso; tangila si-F dib. 192 tshik. 33.]

23. Dilaya dia Yeshaya dia se: “muji wa Yese” uvua ne bua kujuka bu “tshimanyinu tshia bukua-bantu” ne se: ba mu bisamba bavua ne bua “kumukeba” ndikumbane mu ․․․․․․․․. (Yesh. 11:10, MMM) [it-2-F dib. 16 tshik. 1]

24. Bilondeshile mufuanu wa Paulo wa mutshi wa olive wa mu tshimfuanyi wa mu Lomo nshapita 11, bu muvua bisamba 12 bia Izalele bifumine kudi Abrahama ku butuangaji bua Izaka, nenku bisamba 12 bia mu tshimfuanyi bia ․․․․․․․․ bidi bifumina kudi ․․․․․․․․ ku butuangaji bua ․․․․․․․․. [Dibala dia Bible dia ku lumingu luonso; tangila w83-F 15/11 dib. 16 tshik. 15.]

25. Mu Kashipu 1917, panyima pa lufu lua Russell, ke muakapatula Société Watch Tower mukanda wa ․․․․․․․․, diumvuija pa mukanda wa ․․․․․․․․ ne wa ․․․․․․․․ kabidi ne ․․․․․․․․. [jv-F dib. 647 tshik. 1]

Sungulayi diandamuna dijalame mu tshionso tshia ku biambilu bidi bilonda ebi:

26. Mu muyuki wende wa mu Bienzedi nshapita 17, Paulo wakaleja ne budimu buonso (bumfumu bukulu bua; buakane bua; dinanga dia) Nzambi wa muoyo. [Dibala dia Bible dia ku lumingu luonso; tangila si-F dib. 193 tshik. 37.]

27. (Paulo; Petelo; Luka) wakela bena (Beloya; Makedonia; Yeruzaleme) ka-lumbandi ne musangelu wonso, ubabikila ne: bena “mmuenenu muakane.” (Bien. 17:11, NW) [Dibala dia Bible dia ku lumingu luonso; tangila w95 1/5 dib. 14 tshik. 3.]

28. Mashimi matela mu Lomo 1:25 adi akula bua (ditendelela mpingu; bienzedi bia masandi bia bukoya; dikuata mudimu ne dishima). [Dibala dia Bible dia ku lumingu luonso; tangila it-2-F dib. 255 tshik. 4.]

29. Mu 1878, C. T. Russell ne balunda bende bakatuilangana ne diteta dinene pa ditabuja diabu ne bulamatshi ku Dîyi dia Nzambi. Tshilumbu tshivua tshia (dijingulula dia tshivua “mupika wa lulamatu ne wa budimu”; dikalaku dia Yezu dikena dimueneka; mushinga wa mulambu wa mubidi ne mashi bia Yezu). [jv-F dib. 619 tshik. 3]

30. Paulo wakafundila bena Kolinto mukanda wende wa kumpala pavuaye ku (Roma; Efeso; Kolinto) bu mu tshidimu tshia (52; 55; 56) B.B. [si-F dib. 198 tshik. 3]

Suikakajayi mvese idi ilonda eyi ku biambilu bifila kuinshi eku:

Mus. 73:28; Nsu. 24:3; Yesh. 65:13; Bien. 10:34, 35; 2 Kol. 12:7-9

31. Bu mutudi basadidi ba Yehowa, tudi ne bua kumona bantu ba bisamba bionso anu bu mudiye ubamona. [Dibala dia Bible dia ku lumingu luonso; tangila w88-F 15/5 dib. 16 tshik. 6.]

32. Bible udi ufila mêyi-maludiki adi bu biamu bia mudimu bidi bipetesha mushindu wa kuibaka dîku dia disanka. [kl dib. 140 tshik. 3]

33. Aba badi basemena pabuipi ne Yehowa badi balabula disanka dilelela ne ditalala mu tshieledi tshia lungenyi. [kl dib. 151 tshik. 3]

34. Mu malu a kale, Yehowa mmupeshe bantu bende bu tshisumbu biakudia bia mu nyuma. [kl dib. 162 tshik. 6]

35. Yehowa udi mua kulekela nsombelu mukole unenga lupolo kampanda, kadi utu wandamuna ku masambila ne mmumanye dîba ditambe buimpe dia kuenza nunku. [kl dib. 156 tshik. 15]