Mamanyisha

▪ Mikanda ya kufila mu Tshiongo: Mukanda wonso wa mabeji 192 mupatula kumpala kua 1985 udi mu stoke wa tshisumbu. Bisumbu bidi kabiyi ne mikanda eyi bidi mua kufila mukanda wa La paix et la sécurité véritables: comment est-ce possible? anyi Udi mua kuikala ne muoyo wa kashidi pa buloba bukudimuna mparadizu. Luishi: Nsapi wa disanka mu dîku. Luabanya: Dimanya didi difikisha ku muoyo wa kashidi. Nenudienzeje nangananga bua kutuadija malonga a Bible a ku nzubu. Tshisanga: Tshibumba tshia Nsentedi ne Réveillez-vous! Nuikale ne broshire wa Utulomba pabuipi bua badi baleja dijinga dia kumanya bia bungi, ne nudienzeje bua kutuadija malonga a Bible a ku nzubu.

▪ Tshisakidila tshidi mu nimero eu wa Mudimu wetu wa Bukalenge tshidi tshiakula bua mpungilu wa distrike bua 1999 nebatshikonkonone mu Tshisangilu tshia Mudimu mu lumingu lua dia 28 Tshisua-munene 1998.

▪ Nebapeshe bamanyishi bonso batambule badiku mu Tshisangilu tshia Mudimu mu lumingu lua dia 4 Tshiongo Karte ka “Instructions médicales/​Pas de sang” ne karte ka bumuntu bua bana babu.

▪ Biangatshile mu Luishi ne kabayi bapitshisha dia 1 Luabanya, batangidi ba tshijengu nebatuadije kuenza muyuki mupiamupia wa patoke udi ne tshiena-bualu etshi: “Mmunyi mudi Nzambi muikale muntu mulelela kuudi?”

▪ Bisumbu bidi ne bua kudilongolola bua kusekelela Tshivulukilu tshidimu etshi mu Dinayi dia 1 Tshisanga, panyima pa dibuela dia dîba. Nansha mudi muyuki mua kutuadija kumpala, dipitshisha dia bimanyishilu bia Tshivulukilu kadiena ne bua kutuadija padi dîba kadiyi dianji kubuela to. Nutangile tshikondo tshia dibuela dia dîba mu tshimenga tshienu. Nansha mudi dijinga dikale ne: tshisumbu ne tshisumbu tshisekelele Tshivulukilu tshiatshi pa bule, misangu yonso kabiena mua kuenzeka nanku to. Miaba itu bisumbu bivule bienzela bisangilu biabi mu Nzubu wa Bukalenge umuepele, pamu’apa nekuikale mushindu bua se: tshimue anyi bivule bia kudibi bidisangishe mikuabu miaba dilolo adi. Padiku mushindu, netushiye minute nansha 40 bangabanga ne ndongamu mukuabu kutuadijaye bua kupeta dîba dia kuela benyi muoyo, kukankamija bapiabapia, ne kusankidila bikole tshikondo etshi. Badi ne bua kutabalela kabidi bualu bua miaba ya kupitshila ne ya dimanyikila mashinyi, kabidi ne miaba ya dituluila bantu ne dibambuila. Kasumbu ka bakulu nekangate mapangadika makanyine muaba unudi. Bu mudi Tshivulukilu tshikale muanda wa pa buawu bua kuelangana meji pa tshidi Yehowa ne Yezu Kristo batuenzele, kabiakuikala biakanyine bua kutshivuija tshikondo tshia difesto bua kudia ne kunua.

▪ Muyuki wa patoke wa pa buawu bua tshikondo tshia Tshivulukilu tshia 1999 newenzeke mu Dia lumingu dia 18 Tshisanga. Newikale ne tshiena-bualu: “Bulunda bulelela ne Nzambi ne muntu netu.” Nebatume plan wawu. Bisumbu bikala ne dikumbula dia mutangidi wa tshijengu, anyi mpuilu wabi wa tshijengu peshi mpuilu wa pa buende wa dituku dimue lumingu alu nebiteleje muyuki wa pa buawu lumingu ludi lulonda. Tshisumbu nansha tshimue katshilongolodi bua muyuki eu kuenzekawu kumpala kua dia 18 Tshisanga 1999.

▪ Mikanda mipiamipia idiku:

Mfualansa: Index des publications de la Société 1996.