Mamanyisha

▪ Mikanda ya kufila mu Luishi: Nsapi wa disanka mu dîku. Luabanya: Dimanya didi difikisha ku muoyo wa kashidi. Nenudienzeje nangananga bua kutuadija malonga a Bible a ku nzubu. Tshisanga ne Lumungulu: Tshibumba tshia Nsentedi ne Réveillez-vous! Wikale ne broshire wa Utulomba pabuipi bua kupesha bantu badi basankidila bulelela ne udienzeje bua kutuadija malonga a Bible a ku nzubu.

▪ Kutuadijila ku lumingu lua dia 22 Luabanya 1999, netulonge mukanda wa Muntu mutambe bunene wa katshia ne katshia mu Dilonga dia Mukanda dia Tshisumbu. Nimero eu wa Mudimu wetu wa Bukalenge udi ne ndongamu mujima wa dilonga. Udi mua kumutentula ne kumulamika mu mukanda webe bua wikale utapaku dîsu. Mbumvuije mushindu wa kukonkonona mbangilu wa mukanda eu mu tshikoso 5 tshia tshiena-bualu: “Dilonga dia mukanda wa Muntu mutambe bunene wa katshia ne katshia” mu dibeji 1 dia Mudimu wetu wa Bukalenge wa Kashipu 1993.

▪ Sekretere ne mutangidi wa mudimu badi ne bua kukonkonona mudimu wa bampanda-njila bonso ba pa tshibidilu. Bikala bamue bapeta lutatu bua kukumbaja mêba mabalomba, bakulu badi ne bua kulongolola bua kupetabu diambuluisha. Bua ngenyi idi mua kuambuluisha, tangilayi mukanda wa ku tshidimu wa Société (S-201) mufunda mu dia 1 Kasuamansense 1998. Nutangile kabidi mu Mudimu wetu wa Bukalenge wa Lumungulu 1987, dibeji 3, bikoso 1-9.

▪ Mikanda mipiamipia idiku:

Y a-t-il un Créateur qui se soucie de vous? (Mfualansa)

Ntshinyi tshidi tshitufikila patudi tufua?