Mamanyisha

▪ Mikanda ya kufila mu Luabanya: Dimanya didi difikisha ku muoyo wa kashidi. Nuenze muenu muonso bua kutuadija kulonga Bible ne bantu. Nutambe kuenza mudimu ne trakte bua kujadika bikala muntu ujinga menemene bua kumanya bivule ne pashishe kuipatshila bua kutuadija kulonga nende Bible. Tshisanga ne Lumungulu: Tshibumba tshia Nsentedi ne Réveillez-vous! Wikale ne broshire wa Utulomba pabuipi bua kupesha bantu badi bitaba bulelela ne enza muebe muonso bua kutuadija kulonga nabu Bible. Kabalashipu: Ntshinyi tshidi Nzambi utulomba? Ukebe mushindu wa kutuadija kulonga Bible ne bantu.

▪ Bamanyishi badi bajinga kulua bampanda-njila bambuluishi mu Tshisanga ne Lumungulu badi ne bua kudilongolola mpindieu ne kufila formilere yabu kumpala kua dîba. Nebiambuluishe bakulu bua kulongolola bisangilu bua mudimu wa buambi mudibi bikengela ne kulombesha bibejibeji ne mikanda mikuabu bungi bukumbane. Nudi ne bua kumanyisha tshisumbu ku ngondo ku ngondo mêna a bonso badibu banyishile bua kulua bampanda-njila bambuluishi.

▪ Nimero eu wa Mudimu wetu wa Bukalenge udi ne ndongamu mujima wa dilonga dia mukanda wa Prêtons attention à la prophétie de Daniel! Udi mua kumuenza fotokopi ne kumulamika mu mukanda webe wa dilonga.

▪ Bisumbu bia muakulu wa Monokutuba, Tshiluba ne Tshitetela nebilonge mukanda wa Bobumue mu tshitendelelu tshia Nzambi umue mulelela mu tshikondo tshikala bikuabu bisumbu bilonga mukanda wa Prêtons attention à la prophétie de Daniel!

▪ Mutangidi-muludiki anyi muntu wasungulaye udi ne bua kukonkonona konte ya tshisumbu mu dituku dia 1 dia ngondo muisatu anyi diakamue kunyima kua dituku edi. Panuikala bajikije, numanyishe tshisumbu bualu ebu kunyima kua dibala dia luapolo lua konte ludi lulonda.

▪ Tshidimu etshi, Tshivulukilu netshienzeke mu Disatu dia matuku 19 a ngondo muinayi. Bikala tshisumbu tshienu ne tshibidilu tshia kuenza bisangilu mu Disatu, tudi tunulomba bua kubienza dikuabu dituku dia mu lumingu didi Nzubu wa Bukalenge tshianana. Pikalaku kakuyi mushindu ne bifuana kupumbisha Tshisangilu tshia Mudimu, nudi mua kusungula bimue biena-bualu biatshi bidi bitambe kuakanyina tshisumbu tshienu ne kubiela mu Tshisangilu tshia Mudimu tshikuabu.

▪ Malomba bua abonema mipiamipia, ne aa adi bantu badi mu tshisumbu tshienu benzulula bua kupeta Tshibumba tshia Nsentedi ne Réveillez-vous! pamue ne enu nuenu bine, nudi ne bua kuatumina Société anu ku butuangaji bua tshisumbu.

▪ Société kêna witaba bua muntu adilombele pa nkayende mikanda kudiye to. Mutangidi-muludiki nealongolole bua bikale benza dimanyisha ngondo yonso kumpala kua kutuminabu Société dilomba dia mikanda dia tshisumbu tshijima bua muntu yonso udi ujinga kupeta mikanda buende yeye adianjile kumanyisha muanetu udi usadila ku mikanda. Nuavuluka bintu bitu Société unutumina anu ku dilomba dia pa buadi.

▪ Mikanda idiku:

Mfualansa: Index des publications 1950-1985; Le chemin du Paradis: comment le trouver; Manuel pour l’École du ministère théocratique; Tukonkononayi Mifundu dituku dionso 2000.

Tshisawudi: Manuel pour l’École du ministère théocratique.

▪ Bande ya diteleja idiku:

Mfualansa: Mélodies du Royaume (album, bande 8).

▪ Bande ya video idiku:

Mfualansa: Jusqu’aux extrémités de la terre; La Bible: un livre ancien; La Bible: un récit exact; Les triangles violets.