TSHIBUTSHILU TSHIA MIKANDA TSHIA KU ENTERNETE tshia Watchtower
TSHIBUTSHILU TSHIA MIKANDA TSHIA KU ENTERNETE
tshia Watchtower
Tshiluba
  • BIBLE
  • MIKANDA
  • BISANGILU
  • km 5/00 dib. 8
  • Mudimu webe wa tshijila ukupeteshe disanka

Kakuena filme nansha umue mu tshitupa etshi to.

Tshilema ntshienzeke mu diambula dia filme.

  • Mudimu webe wa tshijila ukupeteshe disanka
  • Mudimu wetu wa Bukalenge—2000
  • Bintu bia muomumue
  • Disanka nngikadilu udi Nzambi utupesha
    Tshibumba tshia Nsentedi tshidi tshimanyisha Bukalenge bua Yehowa (Tshia kulonga)—2018
  • Sadilayi Yehowa ne disanka dia mu mutshima
    Tshibumba tshia Nsentedi tshidi tshimanyisha Bukalenge bua Yehowa—1995
  • Bena Kristo badi bapeta disanka padibu bakuatshila bakuabu mudimu
    Tshibumba tshia Nsentedi tshidi tshimanyisha Bukalenge bua Yehowa—2000
  • “Nukuatshile Yehowa mudimu ne disanka”
    Mudimu wetu wa Bukalenge—2003
Mudimu wetu wa Bukalenge—2000
km 5/00 dib. 8

Mudimu webe wa tshijila ukupeteshe disanka

1 Bakapingana ne “disanka.” Malu malonda mu Bible adi aleja disanka divua nadi bayidi 70 pavuabu bayikile ne Yezu pa malu avuabu bamone mu buambi. Disanka diakumvuabu ndiodimue ne ditu nadi muntu padiye wenza disua dia Nzambi. (Luka 10:17) Ntshinganyi tshidi mua kukuambuluisha bua upete disanka dia muomumue edi mu mudimu wa tshijila eu?

2 Mmuenenu muimpe: Yehowa Nzambi mmukupeshe diakalenga dia kuambuluisha bantu bua bamanye bualu bunene budiye mulongolole. Mudimu wa buambi uudi wenza, udi mua kumbusha muntu ku bienzedi bibi ne kumufikisha ku ntendelelu mulelela. Udi upetesha bantu ditekemena dia kuikala ne muoyo mu bukua-panu muikala kamuyi dikokangana dia buena didiku lelu’eu. Anjibi kuela meji bua disanka didi Yehowa nadi paudi ukuna ntete ya bulelela mu mitshima ya bantu ba muoyo mulenga. Sambila bua spiritu wa Nzambi akoleshe dimuma dia disanka munda muebe bua wikale ne mmuenenu muimpe ne utungunuke mu mudimu eu ne muoyo mujima.

3 Dilongesha diakanyine: Tshisangilu tshivua Yezu mulombole kumpala kua bayidi bende 70, tshidi mua kufuanangana lelu’eu ne Tshisangilu tshia Mudimu. Wakabalongesha bua kuenza mudimu wa buambi bimpe. (Luka 10:1-16) Lelu’eu, Tshisangilu tshia Mudimu tshidi patshi tshitulongesha mua kuya kudi bantu, kuasa nabu diyuki ne kulonga nabu Bible kabidi. Pa kutumikila mibelu ne kulengeja mushindu uudi uyisha, neumone se: buôwa buuvua mua kuikala nabu ne dimona bu udi kuyi ne tshia kuamba nebituadije kukepela ne neupete bukitu ne disanka.

4 Ushindamene pa malu atshilualua: Yezu uvua ne disanka mu mudimu wende nansha muakapetaye makenga mene akatantamenaye. Bua tshinyi? Bualu ntema yende yonso ivua pa mabenesha ne masanka avua kumpala kuende. (Eb. 12:2) Nudi penu mua kuenza bia muomumue pa kushindamija lungenyi ne mitshima yenu pa dîna dia Yehowa ne malu malenga alua mu bukua-panu bupiabupia bua Nzambi. Bualu ebu nebukuvudijile disanka ne kukulengejila mudimu webe.

5 Kuenza mudimu wa tshijila wa Yehowa ndisanka ditambe onso diudi mua kupeta lelu’eu. Nenku, mbimpe wambe ne: “Ndi ne disanka bua kuenza disua diebe, Nzambi wanyi.”​—Mus. 40:8.

    Mikanda ya mu Tshiluba (1982-2024)
    Patuka
    Buela
    • Tshiluba
    • Tumina bakuabu
    • Biudi musue
    • Copyright © 2025 Watch Tower Bible and Tract Society of Pennsylvania
    • Malu a kulonda
    • Mikenji ya mua kulama malu masokoka
    • Biudi witaba bua kuenzekabi mu tshiamu
    • JW.ORG
    • Buela
    Tumina bakuabu