Mamanyisha

▪ Mikanda ya kufila mu Tshiongo: Mukanda kayi wonso wa mabeji 192 mupatula mu tshidimu tshia 1986 peshi kumpala, udi mua kuikala mu stoke mu tshisumbu tshienu. Bisumbu bidi ne mukanda wa L’humanité à la recherche de Dieu bidi kabidi mua kuufila. Luishi: Buakabuluibua​—Nkomenu wabu munene ukadi pabuipi!, La vie: comment est-elle apparue? Évolution ou création?, anyi mukanda kayi wonso wa mabeji 192 udi mua kuikala mu stoke. Luabanya: Dimanya didi difikisha ku muoyo wa kashidi. Nukebe mushindu wa kutuadija kulonga Bible ne bantu. Tshisanga: Tshibumba tshia Nsentedi ne Réveillez-vous! Nufile mukanda wa Dimanya anyi broshire wa Utulomba ne tshipatshila tshia kutuadija malonga a Bible.

▪ Bituadijile mu dia 1 ngondo wa kumpala 2001, Tshibumba tshia Nsentedi netshituadije kupatuka musangu umue ku ngondo mu muakulu wa Kaonde. Bikalaku bisumbu bia mu muakulu eu, tudi tulomba bua komite wa mudimu afundile komite wa filiale ne amanyishe bungi bua bamanyishi badi bamanye kuubala.

▪ Kumpala eku, netupatule tshiakabidi mu muakulu wa zande biena-bualu bibidi bivua biakula bua diselangana ne balela betu. Bisumbu bikala nabi dijinga nebitume komande yabi ku depo kutubi biangatshila mikanda. Fundayi pa komande eu ne: “wZN mariage.”

▪ Bamanyishi bonso batambule bikalaku mu Tshisangilu tshia Mudimu tshienzeka lumingu lua dia 5 Luishi nebapete karte ka “Instructions médicales prévisionnelles/​Décharge” ne tua Document d’identité médical bua bana babu.

▪ Kubangila mu ngondo muibidi, ne kabayi bapitshisha dia 4 ngondo muisatu, batangidi ba bijengu nebende ne muyuki wa patoke mu bisumbu wikala ne tshiena-bualu etshi: “Dituku dia Dilumbuluisha: Ntshikondo tshia kutshina anyi tshia kujinga?”

▪ Bisumbu bidi ne bua kudilongolola bimpe bua Tshivulukilu tshienzeka tshidimu etshi mu Dia lumingu dia matuku 8 ngondo muinayi, kunyima kua mubuelu wa dîba. Nansha mudi muyuki mua kutuadija kumpala dîba ditshikale mulu, dipitshisha dia bimanyishilu kadiena ne bua kutuadija kumpala kua dîba kadiyi dianji kubuela nansha. Nukonkonone tshikondo tshidi dîba dibuela muaba unudi. Bu muikalaku dituku adi anu tshisangilu tshia mudimu wa buambi nkayatshi, nudi ne bua kulongolola bua dilonga dia Tshibumba tshia Nsentedi kuenzekadi dituku dikuabu. Batangidi ba bijengu nebakaje programe yabu bua lumingu alu bilondeshile malu asanganabu mu tshisumbu. Nansha mutudi tujinga bua tshisumbu tshionso kuikalatshi ne watshi muaba wa kusekelela Tshivulukilu, imue misangu kabiakukumbana to. Miaba itu bisumbu bia bungi bisangila Nzubu wa Bukalenge umue bua bisangilu, pamu’apa tshisumbu tshimue anyi bivule bidi mua kukeba miaba mikuabu ya kudisangishila dilolo adi. Muaba udiku mushindu, mbimpe kupitshisha minite nansha 40 panyima pa bisangilu ne pashishe kushila tshikuabu tshisumbu muaba bua kutuadijatshi bisangilu. Bionso ebi bua kupetaku mushindu wa bonso bikalamu kuelangana muoyo ne benyi ne kuambilaku bapiabapia tu-mêyi tua dibakankamija natu. Kasumbu ka bakulu ke kadi ne bua kusungula tshidi tshimpe kuenza bua tshisumbu tshienu.

▪ Muyuki wa patoke wa pa buawu bua tshikondo tshia Tshivulukilu tshia tshidimu etshi newenzeke mu Dia lumingu dia 1 ngondo muinayi. Newikale ne tshiena-bualu etshi: “Nnganyi udi mua kupandishibua?” Netunutumine plan wa muyuki eu. Bisumbu bikalabu bakumbula kudi mutangidi wa tshijengu anyi bikala ne mpuilu wa tshijengu peshi wa pa buende lumingu alu nebiteleje muyuki wa pa buawu au lumingu lua dia 9 ngondo muinayi. Tshisumbu nansha tshimue katshienji muyuki eu kumpala kua dia 1 ngondo muinayi to.

▪ Mikanda mipiamipia idiku:

Anglais, Mfualansa: CD-ROM Watchtower Library​—1999.

▪ Bande ya video idiku:

Mu muakulu wa tumama wa tshiena-Amerike: Dimanya didi difikisha ku muoyo wa kashidi (bande No. 4).