Mamanyisha

▪ Mikanda ya kufila mu Luabanya: Dimanya didi difikisha ku muoyo wa kashidi. Nukebe mushindu wa kutuadija kulonga Bible ne bantu. Tshisanga ne Lumungulu: Tshibumba tshia Nsentedi ne Réveillez-vous! Nufile mukanda wa Dimanya anyi broshire wa Utulomba ne tshipatshila tshia kutuadija malonga a Bible. Kabalashipu: Ntshinyi tshidi Nzambi utulomba? peshi Dimanya didi difikisha ku muoyo wa kashidi. Nukebayi nangananga bua kutuadija kulonga Bible ne bantu.

▪ Bamanyishi badi bajinga kuenza bumpanda-njila buambuluishi mu ngondo muinayi batuadije kudilongolola ne bafile formilere yabu kumpala kua dîba, bua bakulu bamone mua kulongolola mudimu wa buambi bimpe ne kulombesha bibejibeji ne mikanda mikuabu bungi bukumbane. Numanyishe mêna a bonso badibu banyishile bua kuikala bampanda-njila bambuluishi mu tshisumbu.

▪ Bu muikala bantu ba bungi mua kuyisha bikole mu ngondo muinayi 2001, nebavudijile bisumbu bibejibeji 30 pa 100 bua nimero yonso yapatuka mu ngondo au bua Tshibumba tshia Nsentedi ne 20 pa 100 bua Réveillez-vous!

▪ Tshivulukilu netshienzeke mu Dia lumingu dia 8 Tshisanga 2001. Kakuakuenzeka tshisangilu tshikuabu dituku adi pa kumbusha tshisangilu tshia mudimu wa buambi. Bakulu badi mua kulongolola bua Dilonga dia Tshibumba tshia Nsentedi kuenzekadi dikuabu dituku.

▪ Société kêna witaba bua muntu adilombele nkayende mikanda to. Mutangidi-muludiki nealongolole bua bikale benza dimanyisha kumpala kua kutuminabu Société dilomba dia mikanda dia tshisumbu tshijima, bua muntu yonso udi ujinga kupeta mikanda adianjile kumanyisha muanetu udi utangila malu a mikanda. Nuavuluka bintu bitu Société unutumina anu ku dilomba dia pa buadi.

▪ Betele udi wakidila ne disanka bantu badi banyisha mudimu wa Bukalenge padibu balua kumona nzubu ya filiale. Nenku katulenguludi ngikadilu wetu, mvuadilu wetu ne nsuki yetu patudi tuya kuendakana ku Betele. Bualu ebu budi butangila ne aba bonso bajinga bua kuya netu. Bidi ne mushinga misangu yonso bua kubalulula malu adi mu Mudimu wetu wa Bukalenge wa Kabalashipu 1998 mu tshiena-bualu: “Mandamuna ku nkonko yenu” ne mu mukanda wa Mudimu wetu, dibeji dia 131 tshikoso 1.

▪ Mikanda mipiamipia idiku:

Anglais: Bantemu ba Yehowa​—mbanganyi? Mmalu kayi adibu balongesha?

Mfualansa: Bantemu ba Yehowa​—mbanganyi? Mmalu kayi adibu balongesha?; Le destin dirige-t-il notre vie, ou Dieu nous tient-il pour responsables de nos actes? (T-71).

Tshisawudi: Bantemu ba Yehowa​—mbanganyi? Mmalu kayi adibu balongesha?

▪ Mikanda idiku:

Tshi-karunda: Bua tshinyi kuanyisha Bible (T-13); Mmitabuja kayi adi nawu Bantemu ba Yehowa? (T-14); Nsombelu wa ditalala mu bulongolodi bupiabupia (T-15); Nditekemena kayi ditudi nadi bua bananga betu bakadi bafue? (T-16); Nsombelu wa disanka mu dîku (T-21); Udi mua kuikala ne muoyo wa kashidi pa buloba!; Tshidi Nzambi utulomba. (Mikanda eyi idi ku depo wa ku Lubumbashi. Bisumbu bionso bidi mu teritware udibu bakula Tshi-karunda bidi mua kulomba mikanda eyi.)

▪ Bande ya diteleja mipiamipia idiku:

Anglais: Bilejilu bidi bitudimuija matuku etu aa (drama); Mélodies du Royaume No. 9.

▪ Bande ya video idiku:

Muakulu wa tumama wa tshiena-Amerike: Padi muntu uudi munange ufua.