Mamanyisha

▪ Mikanda ya kufila mu Tshiongo: Mukanda kayi wonso wa mabeji 192 mupatula kumpala kua 1987 udi mua kuikala mu stoke wa tshisumbu. Bisumbu bidi ne mukanda wa L’humanité à la recherche de Dieu bidi mua kuufila. Luishi: Buakabuluibua​—Nkomenu wabu munene ukadi pabuipi!, La vie: comment est-elle apparue? Évolution ou création? peshi mukanda kayi wonso wa mabeji 192 wa kale udi tshisumbu nawu mu stoke. Luabanya: Dimanya didi difikisha ku muoyo wa kashidi. Nenudienzeje bua kutuadija kulonga Bible ne bantu. Tshisanga: Tshibumba tshia Nsentedi ne Réveillez-vous! Nufile broshire wa Utulomba ne tshipatshila tshia kutuadija kulonga Bible ne bantu.

▪ Bamanyishi batambule bonso bikala mu Tshisangilu tshia Mudimu tshia lumingu lua dia 4 Luishi nebapete karte ka Instructions médicales ne tuarte tua Document d’identité médical bua bana babu.

▪ Kubangila mu ngondo muibidi, ne kabayi bapitshisha mu dia matuku 3 a ngondo muisatu, batangidi ba bijengu nebende ne muyuki wa patoke mu bisumbu wikala ne tshiena-bualu etshi: “Mushindu wa kukubibua mu buloba budi ne njiwu.”

▪ Bisumbu bidi ne bua kudilongolola bimpe bua Tshivulukilu tshienzeka tshidimu etshi mu Dinayi dia 28 ngondo muisatu, kunyima kua dîba dimane kubuela. Nansha mudi muyuki mua kutuadija kumpala dîba ditshikale mulu, dipitshisha dia diampa ne mvinyo kadiena ne bua kutuadija kumpala kua dîba kadiyi dianji kubuela nansha. Nuteta bua kumanya bimpe menemene dîba dijalame didi dîba dibuela muaba unudi. Nansha mutudi tujinga bua tshisumbu tshionso kuikalatshi ne watshi muaba wa kuenzela musekelelu wa Tshivulukilu, imue misangu kabiakuikala amu nanku to. Miaba itu bisumbu bia bungi bisangila Nzubu wa Bukalenge umue bua bisangilu, pamu’apa nebikengele bua tshisumbu tshimue anyi bivule kukebabi miaba mikuabu ya kudisangishila dilolo adi. Pikalaku mushindu imue miaba, mbimpe kushiyaku minite nansha 40 kumpala kua tshisumbu tshikuabu kubangatshi watshi programe bua bionso bienzeka kuambuluishabi bantu bonso, ne kubapesha dîba dia kuelanganaku muoyo ne benyi ne kumona mua kuambilaku bapiabapia tu-mêyi tua dibakankamija natu. Kasumbu ka bakulu kasungule tshidi tshimueneka tshimpe bua tshisumbu tshienu.

▪ Réveillez-vous! neikale upatuka mu muakulu wa Tshibemba mpindieu musangu umue panyima pa ngondo isatu pamutu pa musangu umue ku ngondo yonso.

▪ Réveillez-vous! wa dia 8 ne dia 22 Tshiongo 2002 neyikale ne malu adi akoka ntema ya bantu bonso pa buloba bujima: diupuka dia nzubu ya etaje mile ibidi ya World Trade Center ku New York (États-Unis), tshilumbu tshia bena tshimuangi pa buloba bujima ne dikengesha Bantemu ba Yehowa mu ditunga dia Géorgie. Pa kumona muikala biena-bualu ebi mua kutamba kukoka ntema ya bantu, nebavudijile tshisumbu tshionso bibejibeji 20 pa lukama bua nimero eu, bisakidila ku bungi butubu bapeta pa tshibidilu.

▪ Réveillez-vous! wa dia 8 Luishi 2002 neikale ne tshiena-bualu etshi: “Tshia kuenza bua kutuadija ne nsombelu wa disanka mu dibaka.” Kakuyi mpata, tshiena-bualu etshi netshikoke ntema ya bantu ba bungi mu teritware wetu. Nunku, nebavudijile tshisumbu tshionso bibejibeji 15 pa lukama bua nimero eu ku bungi bututshi tshipeta pa tshibidilu.

▪ Mikanda mipiamipia idiku:

Anglais: Aimeriez-vous en savoir plus sur la Bible? (T-26); Tukonkononayi Mifundu dituku dionso​—2002; Index 1986-2000.

Mfualansa: Annuaire 1999; Index 1986-95; Volime reliye wa Tshibumba tshia Nsentedi tshia 1996; volime reliye ya Réveillez-vous! bua 1995, 1996, 1997; Aimeriez-vous en savoir plus sur la Bible? (T-26); La prophétie d’Isaïe I mu maleta manene.

Tshisawudi: Aimeriez-vous en savoir plus sur la Bible? (T-26); La prophétie d’Isaïe I mu maleta manene.