Mushindu wa kufila bibejibeji

(Nuangata bia Mfualansa bikala bia Tshiluba kabiyiku)

Tshibumba tshia Nsentedi 15 Luab.

“Kuenaku umona pebe se: buloba ebu buvua mua kuikala muaba mulenga wa kusombela bu tuetu mua kuikala ne bulombodi buakane anyi? [Lekela muntu andamune.] Bu wewe mua kuanyisha, mona tshidi Bible ulaya. [Bala Musambu 37:11.] Tudi mua kupeta ditalala dia nunku, dikala mua kumueneka ku bulombodi bua Mulombodi muimpe udi kayi kalema utudi mua kumanya patuabala biena-bualu ebi.”

Réveillez-vous! 22 mars

“Bikumina bitu bishipesha bantu bungi tshianana ne binyangakaja bintu. Bantu batu bapanduka batu bashala kabayi nzubu, kabayi kantu. Tshibejibeji tshia Réveillez-vous! etshi tshidi tshileja mushindu uvua aba bavua bapete njiwu eyi bafike ku dimanya tshia kuenza mu ntatu itu imueneka kunyima kua tshikumina. Tshidi kabidi tshileja ne: bikumina bidi munkatshi mua bintu bidibu batele mu mulayi wa mushinga wa bungi udi mu Bible.”

Tshibumba tshia Nsentedi 1 Tshis.

“Ndi musue kukuleja lungenyi kampanda luimpe lutambe lua mu Bible. [Bala Matayo 22:37.] Buebe wewe bidi biumvuija tshinyi? [Indila diandamuna.] Mona tshiena-bualu etshi ‘Keba Nzambi ne mutshima webe ne lungenyi luebe.’ Tudi mua kuamba ne: ditabuja dilelela mmuanda udi utangila anu mutshima wa muntu anyi peshi udi utangila kabidi lungenyi luende? Diandamuna edi didi dituambuluisha.”

Réveillez-vous! 8 avril

“Anu muudi mumanye, diambula bujitu bua dîku lelu’eu mbualu bukole bua dikema, ne kuikala mamu wa bana mmudimu udi ulomba bia bungi. Tshibejibeji tshia Réveillez-vous! etshi tshidi ne malu malenga mu tshiena-bualu etshi tshia ne: ‘Kuikala mamu wa nzubu kudi kulomba makanda mapite ne a pa tshibidilu atu muntu nawu anyi?’ Ndi musue kukushila tshibejibeji etshi.”