Mamanyisha

▪ Mikanda ya kufila mu Kabitende: Dimanya didi difikisha ku muoyo wa kashidi. Kasuamansense: Tshibumba tshia Nsentedi ne Réveillez-vous! Padi bantu bajinga bua kumanya bia bungi, nudi mua kufila broshire wa Utulomba, pashishe nuenze bukole bua kutuadija kulonga nabu Bible. Kasuabanga: Ntshinyi tshidi Nzambi utulomba? anyi Dimanya didi difikisha ku muoyo wa kashidi. Bikala bantu bakadi ne mikanda eyi, nudi mua kufila mukanda kayi wonso wa kale. Tshisua-munene: Muntu mutambe bunene wa katshia ne katshia. Mikanda mikuabu inudi mua kufila: La Bible : Parole de Dieu ou des hommes ?, Miyuki ya mu Mukanda wa Nzambi, anyi Udi mua kuikala ne muoyo wa kashidi pa buloba bukudimuna mparadizu.

▪ Mudimu wetu wa Bukalenge wa Kasuamansense 2002 kabakuwabanya too ne pikale tshisumbu tshienu tshimane kubuela mu mpungilu wa distrike udibu batshifundile bua kubuela.

▪ Badi bavuluija bakulu bua balonde mêyi adi mu Tshibumba tshia Nsentedi tshia dia 15 Tshisanga 1991, dibeji dia 21-23 mudibu bakula bua tshidi tshikengela kuenza bua bantu badibu bipate mu tshisumbu ta badi badiumbukilemu kadi badi bikale mpindieu bajinga bua kupingana.

▪ Anu bu muvuabu bamanyishe mu Mudimu wetu wa Bukalenge wa Luishi 2002, pamutu pa abonema, bamanyishi nebikale baya kufila bibejibeji dîba didi nimero yabi mipiamipia ifika. Biro bia filiale nebiangate abonema ya mu miakulu mikuabu ayi bu dilomba dia tshisumbu dia tshibidilu dia bibejibeji. Bakadi batuadije kulonda ngenzelu eu. Nunku, katuena kabidi tumona tshidi muntu mua kuenza anyi kulombela abonema ya bibejibeji bietu to. Biro bia filiale kabiakuitaba kabidi abonema ya nunku nansha kakese. Pa nanku, kabiena kabidi ne mushinga bua kuuja ta kufunda malu mu kalongo ka ‘Abonnement’ mu Fishi ya Bamanyishi (S-21) to. Tudi tumanyisha kabidi se: formilere mupiamupia wa S-1 wikala sekretere wa tshisumbu ne bua kuenza nende mudimu mu ngondo idi kumpala, kakuikala kabidi ne kalongo aku ka Abonema to.

▪ Tshibumba tshia Nsentedi tshia dia 15 Kasuamansense 2002 netshiakuile pa tshiena-bualu etshi: “Nnganyi udi munyima mua malu mabi onso?” Pa kumona mushinga wa tshiena-bualu etshi, nebavudijile tshisumbu tshionso bibejibeji 20 pa lukama bilondeshile dilomba diatshi.

▪ Biro bia filiale kabiena bitaba dilomba dia mikanda didienzela kudi muntu nkayende to. Mutangidi-muludiki udi ne bua kulongolola bua kuikalabu bamanyisha mu tshisumbu kumpala kua kutuminabu biro dilomba dia mikanda dia tshisumbu tshijima bua muntu yonso udi ujinga kupeta mikanda kampanda adianjile kumanyisha muanetu udi utangila malu a mikanda. Nuavuluka bintu bitubu batuma anu ku dilomba dia pa buadi.