Mushindu wa kufila bibejibeji

(Nuangate bia Mfualansa bikala bia Tshiluba kabiyiku)

Tshibumba tshia Nsentedi 15 Tshisua.

“Mu matuku a tshidimu atudi aa, bantu ba bungi badi bela meji bua diledibua dia Yezu. Udiku mumanye ne: kudi malu a mushinga atudi mua kumanyina ku miyuki ya mu Bible ya diledibua diende anyi? [Lekela muntu andamune. Pashishe umuleje mu dibeji 5, ubale 2 Timote 3:16.] Nimero eu wa Tshibumba tshia Nsentedi udi umvuija amue a ku malu au.”

Réveillez-vous! 22 déc.

“Udiku umona ne: baledi badi ne bua kuditatshisha bushuwa bua mushindu udi manaya a tshinyangu adiku lelu’eu anyanga bana babu anyi? [Lekela muntu andamune.] Baledi ba bungi batu balonda tshidi mvese wa mu Bible eu wamba. [Bala Musambu 11:5.] Nimero wa Réveillez-vous! eu udi wambuluisha bena mu mêku bua kukonkononabu njiwu idiku mu manaya a ku video ne ku ordinatere.”

Tshibumba tshia Nsentedi 1 Tshio.

“Padi bantu bafuisha muntu anyi bakengakana ne disama kampanda, batu batamba kudikonka ne: ‘Bua tshinyi Nzambi mmulekele bualu ebu buenzeka?’ Pamuapa ukadiku pebe mudiele lukonko lua muomumue elu. Bible udi uleja ne: Nzambi udi uditeka pa muaba wa bantu badi bakenga. [Bala Yeshaya 63:9a.] Tshibejibeji etshi tshidi tshiumvuija bua tshinyi tudi ne bua kuikala bajadiki se: Nzambi neajikije makenga.”

Réveillez-vous! 8 janv.

“Udi mumone ne: mbulamatadi udi ne bua kulondakaja ba kamona-kamba mu diamba ne difunda diabu dia ngumu kayi unemeka budikadidi buabu anyi? [Lekela muntu andamune.] Kadi bidi bishi bikalabi ne: diamba ne difunda dia ngumu edi didi ditangila malu a Nzambi anu bu mutudi mua kubala muaba eu? [Bala Bienzedi 28:30, 31.] Matuku adi panshi aa, bavua bafunde tshilumbu etshi ku Kabadi Kanene ka mu États-Unis. Tudi tukulomba bua ubale bualu abu mu nimero wa Réveillez-vous! eu.