Mamanyisha

▪ Mikanda ya kufila mu Tshiongo: Nudi mua kufila mukanda wonso wa mabeji 192 mupatula kumpala kua 1988. Bisumbu bidi kabiyi ne mikanda ya kale ya mabeji 192 bidi mua kufila mukanda wa Y a-t-il un Créateur qui se soucie de vous? anyi La Bible: Parole de Dieu ou des hommes? Luishi: Nenufile mukanda mupiamupia wa Approchez-vous de Jéhovah. Luabanya: Nufilayi mukanda wa Dimanya. Nenuenze muenu muonso bua kutuadija kulonga Bible ne bantu. Tshisanga ne Lumungulu: Tshibumba tshia Nsentedi ne Réveillez-vous! Panudi nuya kutangila bantu badi banyisha bulelela, pamuapa ne bantu batu babuela mu Tshivulukilu ta mu bisangilu bikuabu, kadi kabayi badifile menemene bua kudisanga ne tshisumbu, nuditatshishe bua kubashila mukanda wa Tutendelelayi Nzambi umuepele mulelela. Nuenze muenu muonso bua kutuadija nabu dilonga dia Bible ne mukanda eu, nangananga ne bamue ba kudibu badi bamane kulonga mukanda wa Dimanya ne broshire wa Utulomba.

▪ Kutuadijila mu ngondo muibidi, ne kabayi bapitshisha dia matuku 2 a ngondo muisatu, batangidi ba bijengu nebende ne muyuki wa patoke mu bisumbu wikala ne tshiena-bualu etshi: “Dipikudibua mu bukua-panu budi mu mifitu.”

▪ Bisumbu bidi ne bua kudilongolola biakane bua Tshivulukilu tshienzeka tshidimu etshi mu Disatu dia matuku 16 a ngondo muinayi kunyima kua dîba dimane kubuela. Nansha mudi muyuki mua kutuadija pamuapa kumpala kua mubuelu wa dîba, dipitshisha dia diampa ne mvinyo kadiena ne bua kutuadija kumpala kua dîba kadiyi dianji kubuela nansha. Nutete bua kumanya bimpe menemene dîba dijalame didi dîba dibuela muaba unudi. Nansha mutudi tujinga bua tshisumbu tshionso kuikalatshi ne watshi muaba wa kuenzela musekelelu wa Tshivulukilu, imue misangu kabiakuikala amu nanku to. Miaba itu bisumbu bia bungi bisangila Nzubu wa Bukalenge umue, pamuapa nebikengele bua tshisumbu tshimue anyi bivule kukebabi miaba mikuabu ya kudisangishila dilolo adi. Pikalaku mushindu bua bimue bisumbu, mbimpe kushiyaku minite nansha 40 kumpala kua tshisumbu tshikuabu kubangatshi watshi programe bua bionso bienzeka biambuluishe bantu bonso. Nuatabalela kabidi bualu bua dibuela ne dipatuka dia mashinyi ta makalu ne miaba ya kubimanyikila, miaba ya kuambuila bantu ne ya kubatuluila. Kasumbu ka bakulu nekasungule tshidi tshimueneka tshimpe bua tshisumbu tshienu.

▪ Anu bu mudibi mu nimero eu wa Mudimu wetu wa Bukalenge, kabakuikala kabidi bamanyishila mikanda mipiamipia idiku mu Mudimu wetu wa Bukalenge to. Nebikale bafundila ngondo yonso tshisumbu ne tshisumbu mukanda wa “Mamanyisha kudi bisumbu bionso.” Bua kunuvuluija, diakamue panudi nupeta mukanda wa “Mamanyisha kudi bisumbu bionso,” numanyishe mu Tshisangilu tshia Mudimu tshidi tshilonda bua bintu bidi bena mu tshisumbu tshienu mua kuikala nabi dijinga. Pashishe nudi mua kulamika dibeji dia mamanyisha ku tshibasa tshia mamanyisha tshia mu tshisumbu. Pashishe musadidi wa ku mikanda nealame dibeji dia mamanyisha adi mu dosié yende.