Mamanyisha

▪ Mikanda ya kufila mu Kabitende: La vie: Comment est-elle apparue? Évolution ou création? Kasuamansense: Tshibumba tshia Nsentedi ne Réveillez-vous! Padi bantu baleja dijinga dia kumanya bia bungi, ufile broshire wa Utulomba ne wenze muebe muonso bua kutuadija kulonga nabu Bible. Kasuabanga: Ntshinyi tshidi Nzambi utulomba? anyi Dimanya didi difikisha ku muoyo wa kashidi. Pikala bantu bakadi ne mikanda eyi, nudi mua kufila Tutendelelayi Nzambi umuepele mulelela anyi mukanda kayi onso wa kale. Tshisua-munene: Muntu mutambe bunene wa katshia ne katshia. Mikanda mikuabu inudi mua kufila: La Bible: Parole de Dieu ou des hommes?, Miyuki ya mu Mukanda wa Nzambi, anyi Udi mua kuikala ne muoyo wa kashidi pa buloba bukudimuna mparadizu.

▪ Biro bia filiale kabiena bitaba dilomba dia mikanda didienzela kudi muntu nkayende to. Mutangidi-muludiki udi ne bua kulongolola bua kuikalabu bamanyisha mu tshisumbu kumpala kua kutuminabu biro dilomba dia mikanda dia tshisumbu tshijima bua muntu yonso udi ujinga kupeta mikanda kampanda adianjile kumanyisha muanetu udi utangila malu a mikanda. Nuavuluka bintu bitubu batuma anu ku dilomba dia pa buadi.

▪ Badi bavuluija bakulu bua balonde mêyi adi mu Tshibumba tshia Nsentedi tshia 15 Tshisanga 1991, dibeji dia 21-23, mudibu bakula bua tshidi tshikengela kuenza bua bantu badibu bipate mu tshisumbu anyi badi badiumbukilemu kadi badi bikale mpindieu bajinga bua kupingana.

▪ Muyuki wa pa buawu bua tshikondo tshia Tshivulukilu bua tshidimu tshia 2004 newenzeke mu Dia lumingu dia matuku 18 a ngondo muinayi. Netunumanyishe tshiena-bualu tshiawu pashishe. Bisumbu bidi ne dikumbula dia mutangidi wa tshijengu anyi ne mpuilu lumingu alu nebienze muyuki eu lumingu ludi lulonda. Tshisumbu nansha tshimue katshiena ne bua kuenza muyuki wa pa buawu eu kumpala kua dia matuku 18 a ngondo muinayi tshidimu tshia 2004 to.