Mamanyisha

▪ Tshisua-munene: Muntu mutambe bunene wa katshia ne katshia. Tshiongo: Ukadi mu njila wa muoyo wa tshiendelele anyi? Luishi: Approchez-vous de Jéhovah. Luabanya: Nushale anu batabale!

▪ Tshiena-bualu tshia “Dipetangana bimpe ne munganga udi ukuondopa” tshiapatuka mu Réveillez-vous! wa dia 22 Tshiongo 2005 ntshilongolola bua kuambuluisha bantu bua kuyikila bilenga ne kupetangana ne baminganga. Nansha nanku, tshiena-bualu etshi netshisankishe kabidi baminganga, bualu tshidi tshileja bua tshinyi bamue mbafike ku ditaba mukenji wa ditekemena wa mu Bible. Nudi mua kulomba bibejibeji bikuabu ne kuenza muenu muonso bua kupesha munganga yonso tshiende tshimue. Bisumbu bidi mua kufundila biro bia filiale diakamue padi dijinga dia bikuabu bia bungi dimueneka.

▪ Nzubu ya Betele wa ku Kinshasa mu Limete neyikale mikanga mu Disambombo dia 4 ngondo wa dikumi ne muibidi 2004 ne Disambombo dia 7 ngondo muitanu 2005 bualu nebayisukule. Mu matuku aa kabena bitabila bantu bua kuya kuendakanaku anyi kuangata mikanda ya tshisumbu.

▪ Netutumine tshisumbu tshionso tubeji tua dibikila natu bantu bua Tshivulukilu tshia tshidimu tshia 2005 bilondeshile muakulu watshi. Bikalaku miakulu mikuabu mu teritware wenu ne nuenu bikale dijinga ne tubeji tukuabu tua mu miakulu eyi, nudi mua kutulomba kakuyi dijingakana mu dilomba dienu dia mikanda panuuja formilere wa dilomba nende mikanda (S-14). Mêna a miakulu ikala tubeji etu neapatuke mu dibeji dia “Mamanyisha kudi bisumbu bionso” ditubu batumina bisumbu bionso ku ngondo yonso. Suayi nulombe tubeji etu anu bua miakulu idi bantu ba mu teritware wenu bakula.

▪ Nuavulukayi ne: Tshivulukilu tshia mu tshidimu tshia 2006 netshienzeke mu Disatu dia matuku 12 ngondo muinayi, kunyima kua dibuela dia dîba. Mbadianjile kumanyisha dituku edi kumpala kua dîba bua bimue bisumbu bitu bisangila Nzubu wa Bukalenge umue bimone mua kudianjila kukeba miaba mikuabu idibi mua kuya kuenzela Tshivulukilu. Bakulu bumvuangane bimpe ne muena muaba au bua dituku adi kabenzedipu makuabu malu adi mua kupangisha bua Tshivulukilu kuenzekatshi mu ditalala ne mu bulongame.

▪ Bu mudi Tshivulukilu etshi ne mushinga wa bungi, kasumbu ka bakulu nekasungule umue wa ku bakulu batu bangamba-malu bimpe, pamutu pa kuikalabu benza muyuki eu bashilangana peshi basungula anu mukulu umue umue tshidimu tshionso. Bikalaku mukulu udi muikale muela manyi udi mua kuenza muyuki eu, yeye ke udibu ne bua kusungula.

▪ Kubangila mu lumingu lua dia 27 ngondo muisambombo 2005, netutuadije kulonga mukanda wa Tutumayi ntema ku mulayi wa Danyele! mu Dilonga dia Mukanda dia Tshisumbu. Bikala mukanda eu kauyiku mu muakulu wenu, nudi mua kuenza mudimu ne wa Mfualansa, Mangala ne Tshisawudi.