Mushindu wa kufila bibejibeji

(Nuangate bia Mfualansa bikala bia Tshiluba kabiyiku)

Tshibumba tshia Nsentedi 15 Tshisua.

“Mu matuku aa, bantu ba bungi pa buloba bujima badi bavuluka diledibua dia Yezu mu mishindu mishilashilangane. Udiku pebe mumanye ne: Bible udi ne mulayi udi wakula bua diledibua dia Yezu, uulamakaja ne ditalala dia kashidi anyi? [Lekela muntu andamune. Pashishe bala Yeshaya 9:6, 7.] Tshibejibeji etshi tshidi tshiumvuija mushindu walua ditalala.”

Réveillez-vous! 22 Tshisua.

“Udiku mumone ne: bantu badi batamba kutangila mpindieu nangananga ku tshimuenekelu tshia muntu anyi? [Lekela muntu andamune.] Tshibejibeji etshi tshidi tshiakula pa imue njiwu idi mua kumueneka bu bikala muntu munange bikole anu buimpe bua mpala. Tshidi kabidi tshileja mushinga wa buimpe budi butambe makuabu onso.” Bala 1 Petelo 3:3, 4.

Tshibumba tshia Nsentedi 1 Tshio.

“Bitendelelu bia bungi bidi bilongesha bena kuitabuja babu bua kunanga bantu nabu. [Bala Matayo 22:39.] Biobi bikala nanku, bua tshinyi mvita ya bungi ne bimvundu bia bungi mbikebesha anu kudi bitendelelu? [Lekela muntu andamune.] Tshibumba tshia Nsentedi etshi tshidi tshiandamuna lukonko elu: Bitendelelu bidiku mua kufila buobumue mu bantu anyi?”

Réveillez-vous! 8 Tshio.

“Mmunyi muudi mua kuandamuna lukonko elu? [Bala lukonko ludi pa tshizubu. Pashishe ulekele muntu andamune.] Bintu bidi muinshi mua buloba ne pa mutu pabu bidi bienda bikepela bikole. Nansha nanku, tangila tshidibu batulaya muaba eu. [Bala Musambu 104:5.] Réveillez-vous! eu udi umvuija ne: mu katupa kîpi emu buloba buetu ebu nebupingane mushindu uvuabu kumpala.”