Mamanyisha

▪ Mikanda ya kufila mu Tshiongo: Ukadi mu njila wa muoyo wa tshiendelele anyi? Luishi: Approchez–vous de Jéhovah. Luabanya: Nushale anu batabale! Tshisanga: Dimanya didi difikisha ku muoyo wa kashidi.

▪ Kubangila mu ngondo muibidi ne kabiyi kupita mu dia matuku 6 ngondo muisatu, batangidi ba bijengu nebende ne muyuki wa patoke wikala ne tshiena-bualu etshi: “Tuenzayi malu ne meji munkatshi mua bantu babule lungenyi.”

▪ Bisumbu bidi ne bua kudilongolola biakane bua Tshivulukilu tshia tshidimu etshi mu Dinayi dia 24 a ngondo muisatu, panyima pa dibuela dia dîba. Nansha mudi muyuki mua kutuadija kumpala kua dîba, dipitshisha dia bimanyinu kadiena ne bua kuenzeka kumpala kua dîba kadiyi dianji kubuela to. Nutete bua kumanya bimpe menemene dîba dijalame didi dîba dibuela muaba unudi. Mbimpe bua tshisumbu tshionso kuenzatshi tshiatshi Tshivulukilu pa watshi muaba, nansha mudi kuenza nanku kuikala kukole imue misangu. Miaba idi bisumbu bia bungi bisangila Nzubu wa Bukalenge umue, pamuapa nebikengele bua tshisumbu tshimue anyi bivule kukebabi miaba mikuabu ya kudisangishila dilolo adi. Pikalaku mushindu, mbimpe kushiyaku minite nansha 40 pankatshi pa programe ibidi bua bionso bienzeke biambuluishe bantu bonso. Nutabalela bua kakuikadi difuilakana muaba wa kuimanyikila mashinyi anyi makalu, ne dikunguila mu tshiibi anyi mu njila bipangisha bantu mua kubuela anyi kupatuka. Kasumbu ka bakulu nekasungule tshidi tshimueneka tshimpe bua tshisumbu tshienu.

▪ Mbia mushinga bua kubala mvese ya mu Bible bimpe mu buambi nansha mu bisangilu bietu. Tshilejilu, “Yelemiya 36:6, 8” tudi mua kumubala ne: “Yelemiya nshapita wa 36 mvese 6 ne wa 8.” Muntu kambi ne: “mvese 6 kakoselu (kasunsudi) wa 8” to. Tuetu tubala bu mudi “Luka 4:16-20” suayi numubale ne: “Luka nshapita 4 mvese wa 16 too ne wa 20.” Muntu kabadi ne: “mvese wa 16 kashonyi wa 20” to. Ki mbimpe bua kubala bimanyinu bia mu difunda nansha.

▪ Suayi nuenze mudimu ne formilere wa S-70a pamutu pa S-43 padi muntu ujinga kumanya bia bungi ne wakula muakulu mukuabu mushilangane ne unudi nuenzela bisangilu bia tshisumbu tshienu.