Malu a kuvuluka bua Tshivulukilu

Tshivulukilu tshia tshidimu etshi netshienzeke mu Dinayi dia 24 ngondo muisatu. Bakulu badi ne bua kutangila malu adi alonda aa:

▪ Panudi nuteka dîba diatuadija tshisangilu etshi, nuamanya bua kanupitshishi bimanyishilu kumpala kua dîba kadiyi dianji kubuela.

▪ Bantu bonso ne ngamba-malu kabidi, badi ne bua kumanya dîba dijalame ne muaba wenzekela Tshivulukilu.

▪ Nudi ne bua kukeba mampa ne mvinyo bidi biakanyine ne kuikala nabi pabuipi.​—Bala Tshibumba tshia Nsentedi tshia dia 15 Luishi 2003, dibeji dia 14-15.

▪ Malongo, vere, ne mêsa ne tshilamba tshia kubuikilapu badi ne bua kuya nabi pa muaba wa Tshivulukilu ne kubiteka pa muaba wabi kumpala kua dîba.

▪ Bikale bamane kukomba mu Nzubu wa Bukalenge anyi muaba mukuabu unuenzela tshisangilu etshi bawakaje bimpe kumpala kua dîba.

▪ Nudianjile kusungula bakididianganyi ne bendeshi ba bimanyishilu ne nubaleje midimu yabu ne mushindu muimpe wa kuyenza; kabidi badi ne bua kuikala ne mvuadilu ne nkoseshilu wa nsuki muimpe.

▪ Nudi ne bua kulongolola bua kuya ne bimanyishilu kudi muela manyi yonso udi kayi ne mushindu wa kufika mu Tshivulukilu bua butekete kampanda bua mubidi.

▪ Padi bisumbu bia bungi bienzela Tshivulukilu mu Nzubu wa Bukalenge umue, bidi ne bua kumvuangana bimpe bua kuepuka dikunguila patupu mu mushiku wa mbelu, mu njila, ne muaba wa dimanyikila mashinyi, bitukutuku anyi makalu.