Mamanyisha

▪ Mikanda ya kufila mu Luabanya: Nushale anu batabale! Tshisanga ne Lumungulu: Dimanya didi difikisha ku muoyo wa kashidi. Kabalashipu: Longa malu kudi Mulongeshi Munene. Bu muntu mua kuamba ne: tshiena ne bana, numupeshe mukanda wa Disanka mu dîku anyi wa Dimanya. Nuenze muenu muonso bua kutuadija kulonga Bible ne bantu.

▪ Bisumbu bidi ne bua kupesha bamanyishi Tshibumba tshia Nsentedi ne Réveillez-vous! diakamue padibi bifika. Dienza nunku nedibambuluishe bua kumanya malu adimu kumpala kua kufilabu bibejibeji ebi mu buambi. Nansha Mudimu wetu wa Bukalenge ngua kupesha pawu bamanyishi diakamue padiwu ufika. Nudi mua kuyipesha bamanyishi nansha mu Dilonga dia Mukanda dia Tshisumbu.

▪ Ba-sekretere ba bisumbu badi ne bua kuikala ne bungi bukumbane bua formilere ya Demande d’admission au service de pionnier permanent (S-205) ne ya Demande d’admission au service de pionnier auxiliaire (S-205b). Nudi mua kulomba formilere eyi mu dibeji dia dilomba nadi mikanda (S-14). Nuikale nulama formilere bungi budi mua kukumbana bua tshidimu tshijima.

▪ Tshivulukilu netshienzeke mu Dinayi dia 24 ngondo muisatu 2005. Bikala tshisumbu tshienu tshienza bisangilu mu Dinayi dionso, nudi mua kubiteka dituku dikuabu dia mu lumingu didi ku Nzubu wa Bukalenge kakuyi bisangilu. Bikalaku kakuyi mushindu wa kuenza Tshisangilu tshia mudimu, nudi mua kubueja bitupa biatshi bidi nangananga ne mushinga bua tshisumbu tshienu mu Tshisangilu tshia Mudimu tshia lumingu lukuabu.

▪ Bamanyishi ba bungi mbele nshinga ku Betele bebeja bua bualu bua imue misambu ya Bukalenge idi bantu badikuatshile, mimba ngimbilu wa buena panu idi nayi Bantemu ba Yehowa ba bungi. Badi badiebeja bikala bulongolodi buetu buanyishe misambu eyi. Tukadi bumvue bualu buayi, nunku tudi basue kunumanyisha ne: katuena banyishe misambu ayi to. Tudi tunulomba bua kubenga kuyitangalaja munkatshi muenu anyi kuyikuata peshi kuyituminangana ku Internet. Tudi bajadike ne: dimanyisha edi nditokeshe bualu ebu.

▪ Mu nimero wa Tshibumba tshia Nsentedi tshia dia 1 Tshisanga 2005 nemuikale tshiena-bualu etshi: “Mamanya a bantu ne Bible bidi bibengangana anyi?” Pa kumona mushinga wa tshiena-bualu etshi, netutumine tshisumbu tshionso bibejibeji bia pa mutu 15 pa lukama ku bungi bututshi tshipeta pa tshibidilu.