Mamanyisha

▪ Mikanda ya kufila mu Lumungulu: Dimanya didi difikisha ku muoyo wa kashidi. Kabalashipu: Longa malu kudi Mulongeshi Munene. Muntu yeye muambe ne: kêna ne bana, nudi mua kumupesha mukanda wa Disanka mu dîku anyi wa Dimanya. Enzayi muenu muonso bua kutuadija malonga a Bible. Kashipu ne Tshimungu: Nudi mua kufila broshire kayi yonso wa mabeji 32 wa ku idi ilonda eyi: Bukalenge bualua kuasa Mparadizu, Ikalayi ne muoyo wa kashidi ne disanka pa buloba, Le nom divin qui demeure à jamais, “Monayi, ndi mvuija bintu bionso bipiabipia,” Ntshinyi tshidi tshitufikila patudi tufua?, Nzambi utuku uditatshisha bua bualu buetu anyi?, Padi muntu uudi munange ufua, Quel est le but de la vie? Comment le découvrir?, Spiritu ya bafue​—idi mua kukuambuluisha anyi kukuenzela bibi? Ituku menemene anyi?, Tudi ne bua kuitabuja Busatu Bunsanto anyi?, ne Une vie pleinement satisfaisante: Comment?

▪ Mutangidi-muludiki anyi muntu mukuabu wasungulaye neakonkonone konte ya tshisumbu mu dia 1 Kabalashipu anyi matuku makese kunyima kua dituku edi. Binuikale ne tshibutshilu tshikuabu, bu mudi tshibutshilu tshia mfranga ya dilongolola nayi Nzubu wa Bukalenge anyi ya mudimu wa luibaku, alongolole kabidi bua kutshikonkononabu. Padi dikonkonona dia konte dijika, nudi ne bua kumanyisha tshisumbu mu luapolo lua konte lua musangu udi ulonda.

▪ Padi muena mu tshisumbu muikale usama mu lupitadi, bakulu ba mu tshisumbu tshia mubedi eu badi ne bua kuikala baya kumutangila bua kumukolesha mu nyuma mu tshikondo tshionso tshidiye mu lupitadi. Ki mbujitu bua bana betu badi mu Komite wa Diumvuangana ne Mpitadi to (KDM). Bena mu Komite wa Diumvuangana ne Mpitadi badiku anu bua kuambuluisha dîba didiku tshilumbu tshia diela mubedi mashi anyi padibu dijinga ne munganga muimpe udi mua kumuondopa kakuyi bualu bua mashi.