Diambulula dia mu Kalasa ka Mudimu wa Nzambi

Nkonko idi ilonda eyi nya kuenza nayi diambulula mu Kalasa ka Mudimu wa Nzambi mu lumingu luatuadija mu dia 31 Kasuamansense 2005. Mutangidi wa kalasa neenzeje diambulula edi mu minite 30 dishindamene pa midimu ivua mienzeke mu kalasa kubangila mu lumingu lua dia 5 Kabitende too ne mu dia 31 Kasuamansense 2005. [Dimanyisha: Padibu kabayi baleje miaba iudi mua kupetela diandamuna kunyima kua lukonko, bidi bikengela wewe kudikebela diandamuna mu mikanda yetu.​—Tangila mukanda wa Kalasa ka mudimu, dib. 36-37.]

NGIKADILU YA BUNGAMBA-MALU

1. Mmunyi mutudi mua kumanya ne: dilongesha dietu dia Dîyi dia Nzambi ndilenge mitshima ya bantu? (Mat. 13:19) [be dib. 258 tshik. 1-2, kazubu]

2. Ntshinyi tshidi mua kutuambuluisha bua kumanya tshidi mu mutshima wa muntu, kadi mbudimu kayi butudi ne bua kuikala nabu? [be dib. 259 tshik. 2-3]

3. Bua tshinyi bidi ne mushinga bua kutamba kuakula bua ngikadilu milenga ya Yehowa patudi tulongesha? [be dib. 260 tshik. 1]

4. Mmunyi mutudi mua kuambuluisha balongi betu ba Bible bua kumanya miaba idibu mua kudilengeja? [be dib. 260 tshik. 4–dib. 261 tshik. 1]

5. Ntshinyi tshitudi mua kuenza bua kuambuluisha balongi betu ba Bible anyi bateleji bua kudikonkonona bua kumona tshidibu benzela malu kampanda? [be dib. 262 tshik. 1-2]

MUDIMU NO. 1

6. ‘Kukeba [Yehowa ne muoyo mujima]’ kudi kumvuija tshinyi, ne mmunyi mutudi mua kuleja ne: tudi tumukeba? (Eb. 11:6) [w03 15/8 dib. 25 tshik. 2; dib. 26 tshik. 1-2; dib. 27 tshik. 2]

7. ‘Tshidikijilu tshia mêyi malenga’ ntshinyi, ne mmunyi mudi bakulu mua kuleja ne: mbalamate ku tshidikijilu etshi? (2 Tim. 1:13, 14) [w03 1/1 dib. 29 tshik. 3–dib. 30 tshik. 1]

8. Ngamue malu kayi adi mua kutufikisha ku dimanya ne: eyi ke mikanda ya mu Bible mifundisha kudi Nzambi idi mianyishibue? [si-F dib. 299 tshik. 5-6]

9. Bua tshinyi Mukanda wa Muratori uvuabu bafunde kunyima kua tshidimu tshia 150 bikondo bietu ebi udi ne mushinga mukole bua kushindika bimpe mudi mikanda ya buena-Kristo ya mu Bible yakafundabu mu tshiena-Greke mikale mianyishibue ne: mmifundisha ku nyuma wa Nzambi? [si-F dib. 302 tshik. 19]

10. Mmunyi mudi Bible yeye nkayende uleja ne: bivua bikengela kumukudimuna mu miakulu mikuabu, ne nkudimuinu ya kale ya Bible mmiambuluishe ku tshinyi? [si-F dib. 307 tshik. 9]

DIBALA DIA BIBLE DIA KU LUMINGU LUONSO

11. Bakelenge muibidi 13:21 udi wanyisha dikukuila dia bishadile bia bansantu anyi?

12. Hezikiya wakadia tshipungidi ne Ejipitu anyi? (2 Bak. 18:19-21, 25)

13. Nansha mudi mikanda ya malu a bena Ashû kayiyi ileja patoke bua se: Yehowa uvua mutshimune Saneheliba bibi, ntshinyi tshiudi umona tshikusankisha mu malu adi mamba mu mikanda eyi? (2 Bak. 19:35, 36)

14. Tatuende wa Shalatiele uvua nganyi? (1 Kul. 3:16-18)

15. Mmunyi mudi bena Lubena, bena Gada ne bena tshitupa tshia tshisamba tshia Manashe ba mu matuku a Shaula mua kuikala tshilejilu tshimpe kudi basadidi bonso ba Nzambi lelu? (1 Kul. 5:18-22)