Mamanyisha

▪ Mikanda ya kufila mu Kasuabanga: Longa malu kudi Mulongeshi munene. Pikala muntu wamba ne: kêna ne bana, numupeshe mukanda wa Dimanya anyi trakte wa Aimeriez-vous en savoir plus sur la Bible? Tshisua-munene: Muntu mutambe bunene wa katshia ne katshia. Tshiongo: Netufile mikanda yonso ivua mipatuke kumpala kua 1991. Bisumbu bidi kabiyi ne mikanda ya kale eyi, nebifile mukanda wa L’humanité à la recherche de Dieu. Luishi: Approchez-vous de Jéhovah.

▪ Mutangidi muludiki anyi muntu mukuabu wasungulaye neakonkonone malu a konte a tshisumbu mu dia 1 Tshisua-munene anyi matuku makese pashishe bikalaku mushindu. Pikalaku kabidi tshibutshilu tshia pa buatshi bua dilongolola dia Nzubu wa Bukalenge anyi luibaku, badi ne bua kutshikonkonona patshi. Panyima pa bobu bamane kukonkonona konte eyi, nebamanyishe tshisumbu mu luapolo lua konte lualonda.

▪ Sekretere wa tshisumbu tshionso tshikadibu bashile Nzubu wa Bukalenge udi ne bua kulama bimpe mikanda mitue biala kua mbulamatadi ivua biro bitume (tshilejilu mikanda ya lupangu) mu dosie udi ne dîna ne: “Mbulamatadi/​Nzubu wa Bukalenge.”

▪ Makuta onso adibu bela mu kashete ka mapa bua mudimu wetu wa pa buloba bujima ne wa dibaka dia Nzubu ya Bukalenge mu tshisumbu tshionso, badi ne bua kuatuma ku biro bietu. Kabena mua kuatula bua kuenza nawu midimu mikuabu ya mu tshisumbu to. Makuta avua tshisumbu tshidisuike bua kuikala kufila bua dibaka dia Nzubu ya Bukalenge nebaangate mu a tshisumbu, kuasangisha ne adibu bapete mu kashete ka Mapa bua mudimu wa dibaka dia Nzubu ya Bukalenge, bobu kuatumina biro.

▪ Netukonkonone bande wa video wa Soigner sans transfusion: Besoins et droits du patient (anyi ditadi dia DVD) mu Tshisangilu tshia Mudimu mu ngondo wa kumpala. Nuenu bikale ne dijinga ne bande eu, nudi mua kumulombela mu tshisumbu tshienu.

▪ Padi muanetu kampanda uuja dilomba bua mudimu wa bumpanda-njila bua pa tshibidilu (S-205), mbimpe sekretere ikale mujadike ne: mmuandamune nkonko yonso bimpe. Kadi pikala muanetu eu ukadi mu dibaka, mbimpe afunde dîna dijima dia bayende anyi mukajende muaba udibu bela lukonko luibidi. Numanye ne: biro bidi bibikila bana betu ba bakaji mu mêna a babayabu. Tshilejilu, kuenza nunku kudi kuambuluisha bua kubikilabu musangu umue mulume ne mukaji badi bampanda-njila mu Kalasa ka Bampanda-njila.