Mamanyisha

▪ Mikanda ya kufila mu Lumungulu: Netufile Tshibumba tshia Nsentedi ne Réveillez-vous! Patudi tupingana bua kutangila bantu batuvua bayukile nabu ne aba bavua babuele mu Tshivulukilu anyi tshikuabu tshisangilu tshinene kadi badi kabayi banji kutuadija kulua mu bisangilu bia tshisumbu, tukebe bua kubashila mukanda wa Bible utu ulongesha tshinyi menemene? ne tshipatshila tshia kutuadija kulonga nabu Bible ne mukanda eu. Kabalashipu: Netufile mukanda wa Longa malu kudi Mulongeshi Munene. Muntu yeye muambe ne: tshiena ne bana, nudi mua kumupesha mukanda wa Nsapi wa disanka mu dîku. Kashipu ne Tshimungu: Broshire yonso wa mabeji 32 ku idi ilonda eyi: Bukalenge bualua kuasa Mparadizu, Ikalayi ne muoyo wa kashidi ne disanka pa buloba!, Le nom divin qui demeure à jamais, “Monayi, ndi mvuija bintu bionso bipiabipia,” Ntshinyi tshidi tshitufikila patudi tufua?, Nushale anu batabale!, Nzambi utuku uditatshisha bua bualu buetu anyi?, Padi muntu uudi munange ufua, Tudi ne bua kuitabuja busatu bunsanto anyi?, Quel est le but de la vie? ne Spiritu ya bafue​—Idi mua kukuambuluisha anyi kukuenzela bibi? Ituku menemene anyi?

▪ Ngondo wa muanda mutekete neikale muimpe bua kuikala mpanda-njila muambuluishi bualu udi ne matuku a Disambombo atanu ne a Dia lumingu atanu.

▪ Mutangidi-muludiki anyi muntu mukuabu wasungulaye neakonkonone konte ya tshisumbu mu dia 1 Kabalashipu anyi matuku makese pashishe. Binuikale ne tshibutshilu tshikuabu, bu mudi tshia mfranga ya kulongolola nayi Nzubu wa Bukalenge anyi ya mudimu wa luibaku, badi ne bua kutshikonkonona patshi. Pajika dikonkonona dia konte edi, nudi ne bua kumanyisha tshisumbu mu luapolo lua konte lua musangu udi ulonda.

▪ Ba-sekretere ba bisumbu badi ne bua kuikala ne bungi bukumbane bua formilere ya Demande d’admission au service de pionnier permanent (S-205) ne ya Demande d’admission au service de pionnier auxiliaire (S-205b). Nudi mua kulomba formilere eyi mu dibeji dia dilomba nadi mikanda (S-14). Nuikale nulama formilere bungi budi mua kukumbana bua tshidimu tshijima. Kumpala kua nuenu kutumina biro formilere wa muanetu udi musue kulua mpanda-njila wa pa tshibidilu, nuikale bajadike ne: formilere au mmuuja bimpe menemene.

▪ Mbimpe kutumina biro bia filiale formilere ya dilomba mudimu wa bumpanda-njila bua pa tshibidilu matuku kubangila pa 30 kumpala kua dituku didi muntu mulombe bua kutuadija mudimu wende. Sekretere wa tshisumbu udi ne bua kutangila formilere yonso bua kumona bikalayi miuuja bimpe. Bikala muntu udi ujinga kuikala mpanda-njila kayi muvuluke dituku divuaye mutambule, udi mua kutshinka dituku adi ne kudifunda bua kudilama. Sekretere udi ne bua kufunda dituku edi mu fishi (S-21) wa muanetu eu.