Mamanyisha

▪ Mikanda ya kufila mu Kashipu ne Tshimungu: Broshire yonso ya mabeji 32 idibu batela mu Mudimu wetu wa Bukalenge wa Kabalashipu. Kabitende: Netufile mukanda wa Bible ulongesha. Netudienzeje bua kutuadija kulonga Bible ne bantu anu musangu wa kumpala utudi tupetangana nabu. Tudi ne bua kupinganyina muntu yonso utudi tushila mukanda eu bua kutuadija diakamue kulonga nende Bible.

▪ Kutuadijila mu ngondo wa tshitema, batangidi ba bijengu nebenze muyuki wa patoke udi ne tshiena-bualu ne: “Udi ne muaba kayi ku mêsu kua Nzambi?”

▪ Kutuadijila mu lumingu lua dia 8 Tshiongo 2007, netulonge mukanda wa Buakabuluibua​—Nkomenu wabu munene ukadi pabuipi! mu Dilonga dia Mukanda dia Tshisumbu. Badi bapatula kabidi wa maleta manene. Bisumbu bidi ne bua kuikala ne mikanda ya maleta makese ne manene bungi bukumbane kumpala kua tuetu kutuadija kulonga mukanda eu.

▪ Mbimpe kutumina biro bia filiale formilere ya dilomba dia mudimu wa bumpanda-njila bua pa tshibidilu matuku mapite pa 30 kumpala kua dituku didi muntu musue bua kutuadija mudimu wende. Sekretere wa tshisumbu udi ne bua kutangila formilere yonso bua kumona bikalayi miuwuja bimpe. Pikala muntu udi musue kulua mpanda-njila kayi muvuluke dituku dijalame divuaye mutambule, udi mua kutshinka dituku adi ne kudifunda bua kudilama. Sekretere udi ne bua kufunda dituku edi mu fishi (S-21) wa mumanyishi au.

▪ Basekretere ba bisumbu badi ne bua kulama mukanda uvuabu batumine bisumbu biabu bua ditekibua dia mpanda-njila yonso (S-202). Pikalabu kabayi nawu, bafundile biro bia filiale.

▪ Nebakonkonone bungi bua mikanda ne bibejibeji bidi mu stoke mu dia 31 Tshimungu 2006 anyi matuku makese kunyima kua dituku adi. Nebayikonkonone bu mutubu benza bua mikanda ku ngondo yonso ne kufunda bungi buayi mu formilere wa Emvantere wa Mikanda (S-18). Muanetu anyi bana betu badi batangila malu a bibejibeji nebafile pabu bungi bua bibejibeji bidi mu stoke. Sekretere wa tshisumbu tshidi tshitangila malu a mikanda ke wabadisha bungi bua mikanda ebu. Yeye ne mutangidi-muludiki wa tshisumbu tshiende nebatue biala pa formilere au. Tshisumbu tshionso tshidi tshitangila malu a mikanda netshipete mabeji asatu a formilere wa Emvantere wa Mikanda (S-18). Suayi nutume dibeji dia kumpala dia formilere eu ku biro bia filiale kumpala kua dia 6 dia ngondo wa 9. Nulame dibeji dimue mu dosiye yenu. Dikuabu nuenze nadi mudimu wa emvantere.

▪ Dishintulula dia programe wa mpungilu wa distrike wa 2006 wa Lupandu luetu lukadi pabuipi: Basankusu: 12-13 Tshimungu 2006 (programe wa Mangala wa matuku abidi); Beni-01: 14-16 Kabalashipu 2006 (Tshisawudi); Beni-02: 21-23 Kabalashipu 2006 (Tshisawudi); Goma: 11-13 Tshimungu 2006 (Mfualansa); Goma: 18-20 Tshimungu 2006 (Tshisawudi); Inongo: 26-27 Tshimungu 2006 (programe wa Mangala wa matuku abidi); Kamina: 18-20 Tshimungu 2006 (programe wa Tshisawudi); Kinshasa: 28-30 Kabalashipu 2006 (mu bitupa bisatu Mfualansa, Mangala ne muakulu wa tumama bua bijengu bionso bia mu tshimenga); Likasi: 25-27 Tshimungu 2006 (programe wa Tshisawudi).