Mamanyisha

▪ Mikanda ya kufila mu Kabitende: Netufile mukanda wa Bible ulongesha. Kasuamansense: Netufile Tshibumba tshia Nsentedi ne Réveillez-vous! Kasuabanga: Longa malu kudi Mulongeshi Munene. Tshisua-munene: Muntu mutambe bunene wa katshia ne katshia.

▪ Bisumbu bidi mua kutuadija kulomba reliye ya Tshibumba tshia Nsentedi ne Réveillez-vous! ya tshidimu tshia 2006 ne ditadi dia Watchtower Library​—2006. Nebaleje miakulu idi bintu ebi mua kupatuka mu dibeji dia “Avis à toutes les congrégations” ditubu batuma ku ngondo yonso. Kadi numanye ne: anu bantu bakadi batambule ke badi mua kupeta Watchtower Library​—2006, ne badi mua kumupetela anu mu komande wa tshisumbu.

▪ Tudi tuvuluija bakulu bua kulonda mibelu idi mu Tshibumba tshia Nsentedi tshia dia 1 Tshisanga 1991, mu dibeji dia 21-23, bua bantu bavuabu bipate mu tshisumbu anyi bavua badiumbukile nkayabu mu bulongolodi kadi basue kupingana.

▪ Mu dibeji 3 too ne 6 dia tshisakidila tshia Mudimu wetu wa Bukalenge eu mudi malu adibu bashintulule mu mukanda wa Buakabuluibua adi muntu yonso ne bua kufunda mu wende mukanda. Tubanga kuenza nunku bua Dilonga dia Mukanda dia Tshisumbu dituatuadija mu mukanda eu lumingu lua dia 8 ngondo wa kumpala 2007.

▪ Bisumbu bionso bidi ne bua kulonga mukanda wa Buakabuluibua mu Mfualansa anyi mu muakulu wabi pikalabu bakadi baukudimune mu muakulu au. Bikala mukanda eu kauyiku mu muakulu wa tshisumbu tshienu, bakulu nebasungule bua kuulonga ni mmu Mfualansa anyi mu muakulu mukuabu wa teritware wetu udi bena mu tshisumbu tshienu mua kuikala bamanye. Mbatumine bisumbu bionso bia muakulu wa Tshiluba tshia Lolo, wa Kongo ne wa Tshitetela tshisakidila tshia Mudimu wa Bukalenge eu ndambu mu Mfualansa ndambu mu muakulu mukuabu. Bisumbu bia Tshiluba tshia lolo nebipete ndambu mu Mfualansa ndambu mu Tshisawudi, bia Kongo ndambu mu Mfualansa ndambu mu Mangala, bia Tshitetela ndambu mu Mfualansa ndambu mu Tshiluba. Bisumbu bionso bia Tshiena Lunda nebipete tshisakidila etshi anu mu Mfualansa.