Diambulula dia mu Kalasa ka Mudimu wa Nzambi

Nkonko idi ilonda eyi nya kukonkonona mu Kalasa ka Mudimu wa Nzambi mu lumingu luatuadija mu dia 30 Kasuamansense 2006. Mutangidi wa kalasa neenzeje diambulula edi mu minite 30 dishindamene pa midimu ivua mienzeke mu kalasa kubangila mu lumingu lua dia 4 Kabitende too ne mu lua dia 30 Kasuamansense 2006. [Dimanyisha: Padibu kabayi baleje miaba iudi mua kupetela diandamuna kunyima kua lukonko, bidi bikengela wewe kudikebela diandamuna mu mikanda yetu.​—Tangila mukanda wa Kalasa ka mudimu, dib. 36-37.]

NGIKADILU YA BUNGAMBA-MALU

1. Bua tshinyi ditukija didi ne mushinga patudi tuakula? ne mmunyi mutudi mua kukepesha buôwa? [be dib. 135 tshik. 5–dib. 137 tshik. 2, tuzubu]

2. Padibu batuela nkonko bua malu atutu tulongesha, bua tshinyi tudi ne bua kuenza muetu muonso bua kuandamuna ne Bible? [be dib. 143 tshik. 1-3]

3. Mmunyi mutudi mua kupiluka mu dienza mudimu ne Bible? [be dib. 144, kazubu]

4. Kuenza mudimu bikole ne Bible nkuimpe bua tshinyi? ne mmunyi mutudi mua kusaka bakuabu ku dienza nende mudimu mu bisangilu? [be dib. 145-146, tuzubu]

5. Mmalu kayi abidi atudi tuipatshila patudi tufila mvese? [be dib. 147 tshik. 2]

MUDIMU NO. 1

6. Mbualu kayi bua mushinga budi mu mukanda wa Misambu? [si-F dib. 104 tshik. 23]

7. Ndîba kayi diakafundabu mukanda wa Nsumuinu ne diakaujikijabu? [si-F dib. 107 tshik. 5]

8. Lusumuinu ntshinyi? ne bua tshinyi mbikidilu walu wa mu tshiena-Ebelu eu mmuakanyine? [si-F dib. 107 tshik. 6]

9. Padi Nsumuinu 2:1-5 utuambila bua kukeba dimanya ne meji ne dijingulula dia mianda bu mutubu bakeba ‘tshiamu tshitoke, ne tshiuma tshia mushinga mukole,’ bidi bitulomba tshinyi? [be dib. 38 tshik. 4]

10. Mmunyi mudi mukanda wa Nsumuinu uleja wowu nkayawu tshipatshila tshiawu tshimpe? [si-F dib. 110 tshik. 19]

DIBALA DIA BIBLE DIA KU LUMINGU LUONSO

11. Mmunyi muvua Davidi ‘mupoleshe mutshima wende ne muutalaje bu muana mujile mabele utshidi kudi mamuende’? ne mmunyi mutudi mua kumuidikija? (Mus. 131:1-3)

12. Mbualu kayi budi butukolesha ku muoyo butudi tupeta mu Musambu 139:7-12?

13. Fila bimue bilejilu bidi bileja bunene bua Yehowa bidibu batela mu Musambu wa 145 bitudi mua kumutumbisha nabi mu masambila etu ne mu buambi. (Mus. 145:3)

14. Mmu ngumvuilu kayi mudi ditshina dia Yehowa dikale ‘tshibangidilu tshia lungenyi’ anyi tshia dimanya ne ‘tshibangidilu tshia meji’? (Nsu. 1:7; 9:10)

15. Mu Nsumuinu 7:1, 2, ntshinyi tshidi ‘mêyi anyi’ ne “mikenji yanyi” biumvuija?