Mushindu wa kufila bibejibeji

(Nuangate bia Mfualansa bikala bia Tshiluba kabiyiku)

Tshibumba tshia Nsentedi 15 Tshisua.

“Ku ndekelu kua tshidimu eku, bantu ba bungi batu bela meji ku tshivua banjelu bamanyishe pavuabu balele Yezu. [Bala Luka 2:14.] Udi wela meji ne: ditalala nedilue pa buloba apa anyi? [Lekela muntu andamune.] Tshibejibeji etshi tshidi tshileja muikala Yezu ne bua kutuala ditalala dilelela pa buloba.”

Réveillez-vous! Tshisua.

“Bitendelelu bidi bilongesha malu mashilangane bua dinua maluvu adi akuata. Wewe udi wela meji ne: Nzambi udi umvua bishi padi bantu baanua? [Lekela muntu andamune.] Nansha muvua Yezu mukudimune mâyi malue mvinyo mu tshishima tshiende tshia kumpala, Bible udi kabidi utudimuija nunku. [Bala Nsumuinu 20:1.] Tshiena-bualu etshi tshidi tshileja lungenyi luimpe ludi Bible uleja bua tshilumbu etshi.” Leja tshiena-bualu tshidi mu dibeji dia 18.

Tshibumba tshia Nsentedi 1 Tshio.

“Udi wela meji ne: bua muntu kuikala ne disanka anu yeye muikale ne bintu bia bungi anyi? [Lekela muntu andamune. Pashishe bala 1 Timote 6:9, 10.] Nansha mudi Bible kayi ukandika bantu bua kupeta makuta, kêna wamba ne: bua muntu kuikalaye ne diakalenga dilelela anu yeye ne biuma. Tshibejibeji etshi tshidi tshiumvuija bualu ebu.”

Réveillez-vous! Tshio.

“Udi wela meji ne: bualu ebu nebuenzeke anyi? [Bala Yeshaya 33:24. Pashishe ulekele muntu andamune.] Tshibejibeji etshi tshidi tshileja malu adi bena sianse benza ne muikala malu adibu balaye mu Bible mua kukumbana.”