Diambulula dia mu Kalasa ka Mudimu wa Nzambi

Nkonko idi ilonda eyi nya kukonkonona mu Kalasa ka Mudimu wa Nzambi mu lumingu luatuadija mu dia 25 ngondo 2 mu 2008. Mutangidi wa kalasa neenzeje diambulula edi mu minite 30 bilondeshile malu avuabu balongeshe mu kalasa kutuadijila mu lumingu lua dia 7 ngondo wa 1 too ne lua 25 ngondo 2 mu 2008. [Dimanyisha: Padibu kabayi baleje miaba iudi mua kupetela diandamuna panyima pa lukonko, udikebele diandamuna mu mikanda yetu.​—Tangila mukanda wa Kalasa ka mudimu, dib. 36-37.]

NGIKADILU YA BUNGAMBA-MALU

1. Ntshinyi tshitudi ne bua kuenza bua kuambuluisha bateleji bua kumvuabu bimpe mvese, ne bua tshinyi tudi ne bua kuenza nanku? [be dib. 228 tshik. 3-4]

2. Bua tshinyi mbimpe kuambila bateleji malu adi abakuatshisha ne mmunyi mutudi mua kuenza nanku? [be dib. 230 tshik. 3-5, kazubu]

3. Mmunyi mudi dienza makebulula dituambuluisha bua kupeta malu adi akuatshisha bantu mu miyuki yetu? [be dib. 231 tshik. 1-3]

4. Ntshinyi tshitudi mua kuenza bua mvese itu bantu bamanye kubakuatshishayi? [be dib. 231 tshik. 4-5]

5. Bua tshinyi mbimpe kuelangana meji ne bantu pa mvese itudi tubala? [be dib. 232 tshik. 3-4]

MUDIMU NO. 1

6. Ntshinyi tshidi tshileja ne: mukanda wa Matayo bavua baufundile diambedi bena Yuda? [si-F dib. 176 tshik. 6-7]

7. Mmunyi mutudi mua kulongolola mitshima yetu bua kuteleja malongesha a Nzambi adi ngamba-malu ulongesha? (2 Kul. 20:33) [be dib. 13 tshik. 4–dib. 14 tshik. 5]

8. Ntshinyi tshidi baledi mua kuenza bua kulongesha bana babu bua kuluabu ‘bena meji too ne ku lupandu?’ (2 Tim. 3:15) [be dib. 16 tshik. 3-4]

9. Mmunyi mudi mukanda wa Matayo ushindika dikumbana dia milayi ya mu Bible? [si-F dib. 181 tshik. 32]

10. Padi mukanda wa Matayo uleja ne: Yezu uvua Masiya mulaya ne Mukalenge, mmunyi mudi wa Mâko wowu umuleja? [si-F dib. 182 tshik. 7-8]

DIBALA DIA BIBLE DIA KU LUMINGU LUONSO

11. Kuleja tshiji nkubi kupita kutshilama anyi? (Mat. 5:21, 22) [w08 15/1 “Dîyi dia Yehowa didi ne muoyo​—Malu manene a mu mukanda wa Matayo”]

12. Mmunyi mudi bena Kristo mua kuikala ne ‘dîsu dimpe’? (Mat. 6:22, 23) [w06 1/10 dib. 29]

13. Tshinyi tshivua Yezu musue kuamba pakebejaye balongi bende ne: ‘Nuakumvua malu aa onso anyi?’ (Mat. 13:51, 52) [w08 15/1 “Dîyi dia Yehowa didi ne muoyo​—Malu manene a mu mukanda wa Matayo”]

14. Bua tshinyi Yezu uvua ukandika bantu bavuaye wondopa bua ‘kabamumanyishi kudi bantu’? (Mat. 12:16) [w87-F 15/5 dib. 9; cl dib. 93-94]

15. Ntshinyi tshivua Yezu musue kuamba bua “tshipiminu” tshidibu ‘bapima’ natshi bakuabu? (Mâko 4:24, 25, MMM) [w80-F 15/9 dib. 12; gt nshap. 43]