Mamanyisha

▪ Mikanda ya kufila mu Kabalashipu: Bible utu ulongesha tshinyi menemene? Nudienzeje bua kutuadija kulongesha bantu Bible. Kashipu ne Tshimungu: Broshire yonso wa mabeji 32 wa ku idi ilonda eyi: Ikalayi ne muoyo wa kashidi ne disanka pa buloba!, Le nom divin qui demeure à jamais, “Monayi, ndi mvuija bintu bionso bipiabipia,” Ntshinyi tshidi tshitufikila patudi tufua?, Nzambi utuku uditatshisha bua bualu buetu anyi?, Padi muntu uudi munange ufua, Spiritu ya bafue​—Idi mua kukuambuluisha anyi kukuenzela bibi? Ituku menemene anyi?, Tudi ne bua kuitabuja Busatu Bunsanto anyi?, ne Ukadi mu njila wa muoyo wa tshiendelele anyi?

▪ Nudianjile kumanya ne: kakuakuikala mabeji a pa buawu bua kubikila nawu bantu mu mpungilu wa distrike wa 2008 to. Kadi tudi tulongolola mudimu wa pa buawu anyi kampanye pa buloba bujima mu matuku makese emu. Malu makuabu pa bidi bitangila mudimu eu netunumanyishawu pashishe.

▪ Bu mudi ngondo wa 8 muikale ne matuku a Disambombo ne a Dia lumingu atanu, mmukumbane bua bantu kuikala bampanda-njila bambuluishi.

▪ Mutangidi-muludiki neasungule muntu mukuabu bua akonkonone konte ya tshisumbu bua ngondo 3, 4 ne 5. Padiye ujikija dikonkonona edi, nebamanyishe tshisumbu mu luapolo lua konte lua musangu udi ulonda.​—Tangila mumvuija a mushindu wa kubala makuta a tshisumbu mu S-27 (Instructions pour la Comptabilité des Congrégations).

▪ Tudi basue bua nuikala nututumine formilere wa dilomba dia mudimu wa bumpanda-njila bua pa tshibidilu matuku 60 ne pa mutu kumpala kua muntu kutuadija mudimu eu. Sekretere neatangila bikala mabeji aa muuje bimpe. Bikala muntu udi uuja kayi mua kuvuluka dituku divuaye mutambule, nudi mua kutshinka dituku kampanda ne kushala badilame mu mikanda ya tshisumbu. Sekretere neafunde dituku adi pa fishi wa mumanyishi (S-21) wa muanetu au.