Mamanyisha

▪ Mikanda ya kufila mu Kashipu ne Tshimungu: Broshire yonso wa mabeji 32 wa ku idi ilonda eyi: Ikalayi ne muoyo wa kashidi ne disanka pa buloba!, Le nom divin qui demeure à jamais, “Monayi, ndi mvuija bintu bionso bipiabipia,” Ntshinyi tshidi tshitufikila patudi tufua?, Nzambi utuku uditatshisha bua bualu buetu anyi?, Padi muntu uudi munange ufua, Spiritu ya bafue​—Idi mua kukuambuluisha anyi kukuenzela bibi? Ituku menemene anyi?, Tudi ne bua kuitabuja Busatu Bunsanto anyi?, Ukadi mu njila wa muoyo wa tshiendelele anyi? Kabitende: Tshibumba tshia Nsentedi ne Réveillez-vous! Padi muntu usankidila bitudi bamuambila, tudi mua kumupesha trakte wa Aimeriez-vous en savoir plus sur la Bible? ne kuyikila nende malu adimu ne tshipatshila tshia kutuadija kumulongesha Bible.

▪ Bu mudi ngondo wa 8 muikale ne matuku a Disambombo ne a Dia lumingu atanu, mmukumbane bua bantu kuikala bampanda-njila bambuluishi.

▪ Kubangila mu ngondo wa 9, batangidi ba bijengu nebatuadije kuenza muyuki wa patoke udi ne tshiena-bualu ne: “Endela mu njila wa buakane.”

▪ Betele kêna wandamuna dilomba dia mikanda dienza kudi muntu pa nkayende to. Mutangidi-muludiki udi ne bua kuenzeja dimanyisha ngondo yonso mu tshisumbu kumpala kua kutuma dilomba diabu dia mikanda dia ku ngondo ku biro bua se: muntu udi dijinga ne mukanda kampanda udi mua kuambila muanetu udi ku mikanda mukanda udiye ukeba. Uditatshishe bua kulama mu lungenyi bua kumanya mikanda ya dilomba dia pa buadi.

▪ Nenubadike bungi bua mikanda ne bibejibeji bidi mu stoke mu dia 31 ngondo wa 8 tshidimu tshia 2008 etshi anyi matuku makese kunyima kua dituku adi. Dibadika edi didi anu bu ditu mutangidi wa mikanda wenza ku ngondo yonso, kabidi nenufunde bungi buayi mu formilere wa Stock des publications (S-18). Muanetu anyi bana betu badi batangila malu a bibejibeji nebafile pabu bungi bua bibejibeji bidi mu stoke. Sekretere wa tshisumbu tshidi mutangidi wa mikanda ke walombola mudimu wa dibadika eu. Yeye ne mutangidi-muludiki wa tshisumbu tshiabu nebatue biala pa formilere au. Tshisumbu tshionso tshidi mutangidi wa mikanda netshipete mabeji asatu a formilere wa Stock des publications (S-18). Suayi nutume dibeji dia kumpala dia formilere eu ku Betele kumpala kua dituku 6 dia ngondo wa 9. Nulame dibeji divua muinshi mua karbone panuvua nuuja mu dosie yenu. Dikuabu nuenze nadi mudimu wa emvantere.

▪ Netuenze mudimu ne mukanda wa Bible ulongesha bua kutuadija kulongesha bantu Bible pamutu pa broshire wa Utulomba. Netutungunuke ne kupesha bantu broshire wa Utulomba mu buambi too ne muajika stoke yonso utudi nende.

▪ Katshia ku ngondo wa kumpala 2008, tudi bele ku Internet (luntandala) mikaba ya mêyi a dibala dia Tshibumba tshia Nsentedi ne Réveillez-vous! mu Anglais ne Mfualansa mu njila wa www.jw.org. Bantu ba bungi mbasue kutentula mikaba eyi ya dibala dia bibejibeji ebi ku Internet. Mikaba eyi itu ipatuka kumpala kua matadi a CD anyi a MP3 kupatuka ne kufikawu mu bisumbu. Padi muntu utentula mikaba mushindu eu, bulongolodi buetu kabutu bumufutshisha makuta to. Kadi ditentula edi didi diambuluisha bua kubenga kutula makuta a bungi bua kuenza matadi aa ne kuafutshila bua kufikawu kudi badi baalomba. Nunku, bantu bonso badi batentula dibala dia bibejibeji ebi ku Internet kabena ne bua kulombesha matadi a CD anyi MP3 kudi muanetu udi ku bibejibeji to. Netuikale tuela ku kakese ku kakese mikaba ya dibala ya mu miakulu mikuabu kabidi anu mu njila wa www.jw.org.