Diambulula dia mu Kalasa ka Mudimu wa Nzambi

Nkonko idi ilonda eyi nya kukonkonona mu Kalasa ka Mudimu wa Nzambi mu lumingu luatuadija mu dia 25 Tshimungu 2008. Mutangidi wa kalasa neenzeje diambulula edi mu minite 30 bilondeshile malu avuabu balongeshe mu kalasa kutuadijila mu lumingu lua dia 7 Kashipu too ne lua dia 25 Tshimungu 2008.

NGIKADILU YA BUNGAMBA-MALU

1. Mmushindu kayi utudi mua kuleja ne: tudi ne bupole anyi butshintshikidi bua malu patudi tulongesha bantu bulelela? (Filip. 4:5) [be dib. 251 tshik. 3]

2. Mmunyi mudi mushindu uvua Paulo muyikile ne bena Greke ku Aleopago utuambuluisha patudi tuyikila ne bantu badi kabayi bitaba Bible? (Bien. 17:22, 23) [be dib. 252 tshik. 1-2]

3. Nansha tuetu bamone ne: muntu utudi tuyikila nende ki mmumanye tshintu to, mmushindu kayi utudi mua kuikala ne butshintshikidi bua malu? [be dib. 253 tshik. 1-2]

4. Patudi tuditatshisha bua kufikisha muntu ku ditaba bitudi tuamba, ntshinyi tshitudi katuyi ne bua kupua muoyo? [be dib. 255 tshik. 3, kazubu]

5. Mmunyi mutudi kuikala ne busunguluji patudi tukeba kuitabijija mitshima ya bateleji betu malu? (Nsu. 20:5) [be dib. 258 tshik. 1–dib. 259 tshik. 1]

MUDIMU NO. 1

6. Ntshinyi tshidi muanetu wa bakaji ne bua kuvuluka padiye wenza mudimu wende ne kadre? [be dib. 44 tshik. 5-6]

7. Bana betu ba balume ne bua kukeba bua kukumbaja tshinyi padibu benza malu manene a mu dibala dia Bible? (Neh. 8:8) [be dib. 47 tshik. 2-3]

8. Mmushindu kayi udi muanetu mua kulombola tshitupa tshidi tshikengela kuenzeja dinaya dia tshilejilu anyi kuela bantu kampanda nkonko mu Tshisangilu tshia Mudimu? [be dib. 49 tshik. 5]

9. Mmunyi mudi mukanda wa Bienzedi uleja tshiakuenza ne mushindu utudi ne bua kuyisha? (Bien. 20:20, 21; 28:23) [si-F dib. 204 tshik. 35]

10. Bua muenji wa muyuki wa patoke kuimanyinaye anu pa Bible, udi mua kuenza tshinyi? (Bien. 17:2, 3) [be dib. 52 tshik. 6–dib. 53 tshik. 2]

DIBALA DIA BIBLE DIA KU LUMINGU LUONSO

11. Mulami wa nzubu wa lukanu muena ku Filipoi ‘wakamba kudishipa’ bua tshinyi? (Bien. 16:25-27) [w90-F 15/5 dib. 25, kazubu]

12. Alistako ne Gayo bakenza tshinyi pavuabu babakengesha? (Bien. 19:29; 20:4, 5) [w08 15/2 dib. 10 tshik. 16-17]

13. Tshiambilu tshia ne: Shaula uvua “usuba mikolo ku mutshi musonga” tshidi tshiumvuija tshinyi? (Bien. 26:14) [w03 1/10 dib. 32]

14. Mmunyi muvua ‘bubi bupetele mushindu’ mu mêyi ne mikandu? (Lomo 7:8, 11, MMM) [w08 15/6 “Dîyi dia Yehowa didi ne muoyo: Malu manene a mu mukanda wa Lomo”]

15. Mmunyi mutudi ‘tutentekeja makala a kapia’ pa mutu pa muena lukuna wetu? (Lomo 12:20) [w08 15/6 “Dîyi dia Yehowa didi ne muoyo: Malu manene a mu mukanda wa Lomo”]