Mamanyisha

▪ Mikanda ya kufila mu Luishi: Nsapi wa disanka mu dîku. Luabanya: Bible utu ulongesha tshinyi menemene? Nudienzeje bua kutuadija kulongesha bantu Bible. Tshisanga ne Lumungulu: Tshibumba tshia Nsentedi ne Réveillez-vous! Panudi nupinganyina bantu bavua banyishe bibejibeji, nansha bavua babuele mu Tshivulukilu anyi mu mpuilu ne mpungilu, kadi kabayi batamba kubuela mu bisangilu bia tshisumbu, nutambe kudifila bua kubapesha mukanda wa Bible utu ulongesha tshinyi menemene? Nuipatshile bua kutuadija kulongeshaku muntu nansha umue Bible mu mukanda au.

▪ Sekretere ne mutangidi wa mudimu badi ne bua kukonkonona mudimu wa bampanda-njila. Bikala bakuabu ne lutatu lua kukumbaja mêba malomba, bakulu badilongolole bua kubambuluisha.

▪ Muyuki wa patoke wa pa buawu wa tshikondo tshia Tshivulukilu tshia mu 2009 newikale ne tshiena-bualu ne: “Kutuku tshitendelelu tshilelela ku mêsu kua Nzambi anyi?” Tangila dimanyisha dia buena edi didi mu Mudimu wetu wa Bukalenge wa Kabitende 2008.

▪ Mbafunde mu formilere ya bungi dîna dia ‘mutangidi muludiki’. Nansha mutuabanga kubikila mukulu eu bu ‘mutangidi wa malu a kasumbu ka bakulu’ bituadijile mu ngondo wa 1 wa 2009, netutungunuke ne kuenza mudimu ne formilere eyi too ne pajikayi.