Mushindu wa kufila bibejibeji

(Nuangate bia Mfualansa bikala bia Tshiluba kabiyiku)

Tshibumba tshia Nsentedi 1 Kabalashipu

“Bantu ba bungi batu bitabuja ne: bitendelelu bionso mbienze bu njila mishilangane idi ifikisha kudi Nzambi umue. Udi wamba pebe munyi? [Lekela muntu andamune.] Tangila tshidi Bible wamba bua bualu ebu. [Bala Yoshua 24:15.] Tshiena-bualu etshi tshidi tshituambuluisha bua kudikonkonona bua kumanya bikala tshitendelelu tshietu mua kutufikisha kudi Nzambi mulelela.” Leja tshiena-bualu tshidi mu dibeji dia 12.

Réveillez-vous! Kabalashipu

“Tuetu bonso tudi ne bantu batukadi bafuishe. Udiku wela meji ne: tudi mua kuikala tutshina ne: bamue ba kudibu badi mua kuikala ne tshiji bajinga kutuenzela bibi anyi? [Lekela muntu andamune. Pashishe bala Muambi 9:5, 6.] Tshiena-bualu etshi netshikuambuluishe.” Leja tshiena-bualu tshidi mu dibeji dia 22.

Tshibumba tshia Nsentedi 1 Kashipu

“Bantu ba bungi badi ne Bible kabatu bumvua malu adimu to. Kutuku pebe muanji kumona nanku anyi? [Lekela muntu andamune.] Bilondeshila mvese eu, Muena Bible mmusue bua tuetu kumvua Dîyi diende ne bua diodi kutuambuluisha. [Bala Musambu 119:130.] Tshibejibeji etshi tshidi tshileja malu asatu adi mua kutuambuluisha bua kumvua Bible.”

Réveillez-vous! Kashipu

“Bantu ba bungi lelu badi ne tunyinganyinga ku muoyo. Udiku wela meji ne: Nzambi udi utabalela bantu bonso badi batatshishibua ne tunyinganyinga ku muoyo anyi? [Lekela muntu andamune. Pashishe bala Musambu 34:18.] Tshibejibeji etshi tshidi tshiumvuija mushindu udi badi ne tunyinganyinga mua kupeta diambuluisha dia kudi Nzambi nansha biobi bikengela kuya kua munganga. Tshidi kabidi tshituambuluisha bua kumanya mêyi atudi mua kubasamba nawu.”