Mushindu wa kufila bibejibeji

(Nuangate bia Mfualansa bikala bia Tshiluba kabiyiku)

Tshibumba tshia Nsentedi 1/2

“Ba bungi ba kutudi batu ne tshiabu tshitendelelu. Udi wela meji ne: tshitendelelu tshietu tshidi ne mushinga ku mêsu kua Nzambi anyi? [Lekela muntu andamune. Pashishe bala Matayo 15:9.] Tshiena-bualu etshi tshidi tshiakula bua malu anayi adi aleja tshitendelelu tshilelela avua Yezu mutele.” Leja muntu tshiena-bualu tshidi tshituadija mu dibeji dia 16.

Réveillez-vous! Ngondo 2

“Bamue bantu badi bamba ne: kudi muntu udi mufuke bintu bionso, eku bakuabu bamba ne: kuela meji nanku nkupanga lungenyi, nkubenga kulonda tshidi malu a sianse aleja. Wewe udi wela meji kayi? [Lekela muntu andamune.] Bilondeshile Bible, ditabuja dilelela ndimanyine pa bijadiki. [Bala Ebelu 11:1.] Tshiena-bualu etshi tshidi tshifila bijadiki bidi bileja ne: Mufuki udiku.” Leja muntu tshiena-bualu tshidi tshituadija mu dibeji dia 22.

Tshibumba tshia Nsentedi 1/3

“Utu umona munyi, Bible mmukanda wa Nzambi anyi wa bantu? [Lekela muntu andamune.] Tangila tshidi Bible wamba nkayende. [Bala 2 Timote 3:16, 17.] Mukanda eu udi utuleja diandamuna dilelela ne mushinga udi nawu diandamuna edi.”

Réveillez-vous! Ngondo 3

“Wewe pebe imue misangu utu wanyisha mitshi ne bilongo. Udi umona ne: bintu ebi bidiku kabidi bituleja ne: muntu udi mubienze udi ne meji anyi? [Lekela muntu andamune. Pashishe bala Musambu wa 104:24.] Mukanda eu udi wakula bua bulenga bua bimue bintu ne tshidibi bitulongesha.”