Mamanyisha

▪ Mikanda ya kufila mu ngondo 3: Bible utu ulongesha tshinyi menemene? Bamanyishi badi ne bua kutuadija kulonga ne bantu padibu baufila anyi pikala muntu ukavua nawu. Ngondo 4 ne 5: Tshibumba tshia Nsentedi ne Réveillez-vous! Paudi upingana bua kutangila bantu bavua banyishe bulelela, kupu muoyo bua kutangila kabidi aba bavua babuele mu Tshivulukilu anyi mu tshikuabu tshisangilu tshietu tshinene kadi batu kabayi ne tshibidilu tshia kubuela mu bisangilu bietu; uditatshishe bua kubashila mukanda wa Bible ulongesha. Wikale ne kipatshila ka kutuadija kulonga Bible ne bantu.

▪ Panudi nupeta Tshibumba tshia Nsentedi ne Réveillez-vous! nubipeshe diakamue bamanyishi bua babale malu adimu kumpala kua kubipesha bantu.

▪ Bua tshidimu tshia 2010 etshi, netuenze Tshivulukilu mu Dibidi dia matuku 30 a ngondo muisatu. Netuimbe musambu wa 8 ne wa 109 mu mukanda wetu mupiamupia wa misambu. Pikala tshisumbu tshienu ne bisangilu mu Dibidi, nubienze dikuabu dituku lumingu alu. Panuikala bisumbu bia bungi mu Nzubu wa Bukalenge ne kakuyi mushindu wa kubienza dituku dikuabu, kanubienji to. Kadi nudi mua kuangata biena-bualu bia mu Tshisangilu tshia Mudimu bidi mua kuambuluisha tshisumbu tshienu bikole, nuenu kubiela mu tshikuabu Tshisangilu tshia Mudimu.