Udiku uleja bantu mutudi tulonga Bible anyi?

Patudi tulomba bantu bua kubalongesha Bible, bakuabu batu bamba ne: kabiena bibasankisha anyi ne batu bamulonga mu tshitendelelu tshiabu. Bu mudibu kabayi bamanye ne: mushindu utudi tulonga Bible mmushilangane ne wa bitendelelu bikuabu, ki mbamanye ne: kulonga Bible kudi mua kuvudija dimanya diabu ne kubapetesha disanka. Nunku, pamutu pa kulomba muntu utudi tupetangana nende bua musangu wa kumpala bua kumulongesha Bible patupu, udi mua kumuleja mu minite mikese mushindu ututu tumulongesha bantu. Katuakudi anu bua dilonga dia Bible, kadi tulonge nende bikoso bikese bua amone mututu tuenza. Tangila mushindu uudi mua kuenza nanku paudi utumikila mibelu idi mu Mudimu wetu wa Bukalenge wa Tshiongo 2006, dibeji 6:

“Udi wela meji ne: nekuikale dituku dikala mêyi aa ne bua kukumbana anyi? [Bala Yesh. 33:24 ne lekela muntu andamune.] Ndi musue kukuleja bualu bua mushinga.” Pesha muntu mukanda wa Bible ulongesha ne muambila abulule mu dibeji dia 36 tshikoso tshia 22. Bala lukonko ludi kuinshi kua dibeji ne ambila muntu bua akebe diandamuna paudi wenda ubala tshikoso. Pashishe elulula lukonko ne uteleje diandamuna diende. Nubale nende mvese mukuabu. Umuele lukonko luwandamuna musangu udi ulonda ne umuambile dituku diwalukila. Wewe muenze nunku, udi mutuadije kulongesha muntu Bible.