Utu ulejaku bantu dibeji dia ndekelu anyi?

Padi bantu bangata tshibejibeji, batu misangu ya bungi batangila dibeji dia pa mutu ne pashishe bakudimuna diakamue bua kutangila dia ndekelu. Dibeji dia ndekelu dia Tshibumba tshia Nsentedi tshia kupesha bantu bonso tshitu ne nkonko ya bungi idi ikoka ntema ne batu baleja dibeji dia muaba uudi mua kupeta diandamuna dia lukonko luonso.

Tudi mua kuenza mudimu ne dibeji edi bua kupeta ngenyi mimpe ya kuela muntu bua kubanga kuyukila nende. Bituikala tuyisha pa tshibidilu mu teritware, tudi mua kushintulula mushindu utudi tutuadija kuyukila ne bantu pa kubela nkonko mishilangane mu bule bua ngondo. Bikala muntu kayi ne dîba, tudi mua kumuleja mu tshikoso lumue lua ku nkonko idi mu dibeji dia ndekelu ne kumuambila ne: “Wewe musue kupeta ndiandamuna, ndi mua kukushila bibejibeji ebi bua tulue tuyukile pawapeta dîba.” Bamue bamanyishi batu basue kutuadija kuyukila ne muntu pa kumuleja dibeji dia ndekelu ne kumulomba bua kusungulaye lukonko ludi lumusankisha. Pashishe badi bamuleja muaba udiye mua kupeta diandamua ne kumubadila mvese uvuabu badianjile kulongolola. Udi pamuapa mua kuela meji bua mishindu mikuabu iudi mua kuenza mudimu ne dibeji dia ndekelu dia Tshibumba tshia Nsentedi bua kukoka ntema ya bantu.