Bible udi ne miyuki milelela ne milayi ya kueyemena

Mbijadiki kayi bidi bileja ne: Bible udi ne miyuki milelela? Mmilayi kayi ya mu Bible ikadi mikumbane idi itujadikila ne: malu adi Bible mulaye bua matuku atshilualua neakumbane kabidi? Badi bandamuna nkonko eyi mu filme wa La Bible: un récit historique exact, des prophéties dignes de foi (Bible udi ne miyuki milelela ne milayi ya kueyemena), tshitupa tshisatu tshia ditadi dia La Bible: un livre historique et prophétique (Bible mmukanda wa malu malelela ne wa milayi). Wewe mumane kutangila filme eu, udiku mua kuandamuna nkonko idi ilonda eyi anyi?

(1) Udi mufundishe malu a kueyemena adi mu Bible nnganyi? (Dan. 2:28) (2) Mmunyi mudi Bible utumvuija bimpe menemene malu a kale a mu Ejipitu wa kale? Mmunyi muvua mulayi udi mu Yeshaya 19:3, 4 mukumbane? (3) Mmunyi mudi bintu bivuabu bangule muinshi mua buloba bijadika malu avua Bible muambe bua bena Ashû, bakalenge babu ne dibutuka dia tshimenga tshia Ashû? (Nah. 3:1, 7, 13) (4) Tela milayi ivua itangila Babulona ivua mikumbane. (Yel. 20:4; 50:38; 51:30) (5) Mmulayi kayi uvua utangila bena Madai ne bena Pelasa uvua mukumbane? (Yesh. 44:28) (6) Mmunyi muvua milayi idi mu Danyele 7:6; 8:5, 8 ivua itangila bena Greke mikumbane? (7) Mmunyi muvua mulayi udi mu Danyele 7:7 mukumbane pakalua Lomo bukalenge bunene pa buloba bujima? (8) Mba Kaisa kayi badibu batele mu Bible? (9) Pavua Néron ukokesha, ntshinyi tshivua tshienzekele bena Kristo? (10) Milayi idi mu Buakabuluibua 13:11; 17:10 mmikumbane mushindu kayi? (11) Nku tshinyi kutudi tumanyina mukalenge wa muanda mukulu? (12) Mmalu kayi audi mumone mu filme eu adi aleja mudi mêyi adi mu Muambi 8:9 malelela? (13) Tela milayi ya matuku atshilualua iudi muindile bua kumona dikumbana diayi ne muoyo mujima. (14) Mmunyi muudi mua kuambuluisha bakuabu ne filme eu bua kubajadikila mudi Bible mukanda wa Nzambi?