Kabakuikala kabidi bakonkonona mvese wa dituku mu bisangilu bia buambi to!

Mu bidimu bishale, tuvua tukonkonona imue misangu mvese wa dituku mu bisangilu bia mudimu wa buambi pavuaye wakula bua buambi. Kadi malu mmashintuluke mpindieu. Katuakuenza kabidi mudimu ne broshire wa Tukonkononayi Mifundu dituku dionso mu bisangilu bia mudimu wa buambi to. Kadi anu bu ku kale, balombodi ba bisangilu ebi badi mua kuenza mudimu ne Bible, Mudimu wetu wa Bukalenge, mukanda wa Kalasa ka mudimu, mukanda wa Comment raisonner anyi imue mikanda idi yakula bua mudimu wa buambi. Bantu badibu basungule bua kulombola bisangilu ebi, badi ne bua kukeba malu mimpe adi mua kuambuluisha bantu badi bapatuka mu buambi dituku adi. Anu bu ku kale, bisangilu ebi kabiena ne bua kupita pa minite 10 anyi 15 to; bidi ne bua kuikala bîpi menemene padibi bienzeka kunyima kua bisangilu bia tshisumbu.