Mandamuna a nkonko yenu
▪ Tudi mua kulonga ne mulongi udi ulonga bimpe too ne dîba kayi?
Mbimpe kujikija ne mulongi udi uya kumpala mikanda ibidi eyi: wa Bible utu ulongesha tshinyi menemene? ne wa “Nudilame mu dinanga dia Nzambi.” Nansha yeye mutambule, nudi ne bua kujikija anu mikanda ibidi eyi. Netuikale anu tubala mêba, makumbula mapiamapia ne dilonga. Pikala mumanyishi udi uya netu mu buambi muakule pende, udi mua kubala mêba.—Tangila Mudimu wetu wa Bukalenge wa Luabanya 2009, dibeji 2.
Mbimpe bantu bapiabapia bikale ne nshindamenu muimpe mu bulelela kumpala kua kuimanyika dilonga. Badi ne bua ‘kuela miji’ mu Kristo ne ‘kujadikibua mu ditabuja’ bua kukandemena mateta ikalabu ne bua kupeta. (Kolos. 2:6, 7; 2 Tim. 3:12; 1 Pet. 5:8, 9) Bua bobu kulongesha bantu bimpe, badi ne bua kuikala ne ‘dimanya dijalame dia bulelela.’ (1 Tim. 2:4, NW) Patudi tujikija mikanda ibidi eyi ne balongi, tudi tubambuluisha bua kuenda bajalame mu ‘njila wa ku muoyo.’—Mat. 7:14.
Kumpala kua bakulu kuitabila muntu bua kutambulaye, batu banji kujadika ne: udi umvua bimpe malongesha a nshindamenu a mu Bible ne uatumikila matuku onso. Bakulu bikale ne budimu nangananga padibu bakonkonona muntu udi kayi muanji kujikija mikanda ibidi ya kulonga eyi. Bikala muntu kayi mukumbaje malu aa, bakulu nebenze bua bamuambuluishe bua kuluaye kutambula musangu mukuabu.—Tangila mukanda wa Bulongolodi budi buenza disua dia Yehowa, dibeji dia 217-218.
[Lungenyi lunene lua mu dibeji 2]
Mbimpe bantu bapiabapia bikale ne nshindamenu muimpe mu bulelela