Mushindu wa kuenza mudimu ne formilere wa S-43

Tudi mua kuuja formilere eu (wa Veuillez suivre l’intérêt [S-43]) patudi tupeta muntu udi musankidile bulelela kadi kayi mu teritware wetu anyi wakula muakulu muenyi. Kumpala tuvua tumuuja patuvua tupeta muntu yonso uvua wakula muakulu muenyi, nansha musankidile anyi kayi musankidile bulelela. Kadi mpindieu tudi tumuuja anu bua muntu udi musankidile bulelela anyi udi kamama. Patudi tupeta muntu udi kamama, nansha musankidile anyi kayi musankidile bulelela, tudi ne bua kuuja formilere wa S-43.

Tuetu bamane kumuuja, netuenze tshinyi? Tumupeshe sekretere wa tshisumbu tshietu. Pikalaye mumanye tshisumbu tshia kumutuma, neamutumine bakulu bua bakebe muntu au. Yeye kayi mumanye tshisumbu, amutume ku Biro.

Pikala muntu udi wakula muakulu muenyi muikale mu teritware wenu, nutungunuke ne kumutangila bua kukolesha dijinga diende too ne panuepeta mumanyishi wa mu tshisumbu tshia muakulu wende.​—Tangila Mudimu wetu wa Bukalenge wa Kasuabanga 2009, dibeji 4.