“Pesha muntu tshibejibeji tshia kale anyi broshire yonso udi mua kumusankisha”
Mu ngondo itudi tufila mukanda wa Bible ulongesha ne tukeba kutuadija kulonga ne bantu diakamue, muntu yeye muikale ne mukanda kadi kayi musue kulonga, tudi mua ‘kumupesha tshibejibeji tshia kale anyi broshire yonso udi mua kumusankisha.’ Bua tshinyi?
Broshire ne bibejibeji bia kale bidi ne biena-bualu bimpe bia bungi. Kudi anu tshintu kampanda mu mikanda eyi tshidi mua kusankisha muntu. Nunku paudi wela mikanda mu tshibuta, wikale welamu kabidi broshire ne bibejibeji bia kale. Wewe kuyi ne nimero ya kale, udi mua kuyipetela kudi muanetu utu wabanya bibejibeji. Dîba adi, wewe mupete muntu ne mukanda wa Bible ulongesha kadi kayi musue kulonga Bible, udi mua kumuleja imue broshire anyi bimue bibejibeji bia kale, pashishe kumulomba bua asungule tshidiye musue. Umulombe kabidi bua kumupinganyina. Imue misangu, nealue kuitaba bua kulonga Bible.