Diambulula dia mu Kalasa ka Mudimu wa Nzambi
Nkonko idi ilonda eyi nya kukonkonona mu Kalasa ka Mudimu wa Nzambi mu lumingu luatuadija dituku dia 26 ngondo wa 12 wa 2011.
1. Mmushindu kayi udi mubelu udi mu Nsumuinu 30:32 utuambuluisha bua kubenga kutungunuka ne kuyobola muntu utudi benzele bibi? [w87-F 15/5 dib. 30 tshik. 11]
2. Muntu udi udiumvua kayi ukumbaja majinga ende udi ujimija ‘disanka’ dia mushindu kayi? (Muam. 2:1) [g-F 4/06 dib. 6 tshik. 1-2]
3. Nansha mutu bantu ba bungi bamba ne: mêyi a Solomo adi mu Muambi 3:1-9 adi aleja ne: Nzambi ukavua mujadike malu onso adi afikila muntu ne muntu, mmushindu kayi udi Muambi 9:11 uleja patoke ne: malu onso adi atufikila kaavua malongolola kudi Nzambi to? [w09-F 1/3 dib. 4 tshik. 4]
4. Muntu udi ‘upita kudibingisha’ udi upeta njiwu kayi? (Muam. 7:16) [w10 15/10 dib. 9 tshik. 8-9]
5. Mmushindu kayi udi Musambu wa Solomo 2:7 uleja ne: muntu udi ukeba bua kubuela mu dibaka udi ne meji padiye kayi uzuka bua kukeba muena dibaka nende? [w06 15/11 dib. 19 tshik. 1; w80-F 4/15 dib. 19 tshik. 7]
6. Ntshinyi tshidibu basue kumvuija padibu bamba ne: ‘Mishiku ya muena Shulama idi bu dikatshi dia buitshi’ ne ‘buitshi ne mabele bidi muinshi mua ludimi luende?’ (Mus. wa Sol. 4:11) [w06 15/11 dib. 19 tshik. 6]
7. Mmushindu kayi udi mianzu eyi: “Mubakemeshi,” “Nzambi Mukole” ne “Tatu wa Tshiendelele” ituambuluisha bua kumvua bimpe ngikadilu ya Yezu ne mushindu wakokeshaye mu bulongolodi bupiabupia? (Yesh. 9:6) [w91-F 15/4 dib. 5 tshik. 7]
8. Mbanganyi badibu bafuanyikija lelu ne bena Isalele “ba mu tshisamba tshia badi babenga Nzambi?” Udi Yehowa wenza nende mudimu bu “tshibonge” bua kutshibutulaye nnganyi? (Yesh. 10:5, 6) [ip-1-F dib. 145 tshik. 4-5; dib. 153 tshik. 20]
9. Bua tshinyi mulayi wa Yeshaya wa ne: Babulona ‘kena wikala ne bantu kashidi’ udi ukemesha bantu? Dikumbana dia mulayi eu didi dikolesha ditabuja dietu mushindu kayi? (Yesh. 13:19, 20) [g-F 11/07 dib. 9 tshik. 4-5]
10. Ndîba kayi divua Yezu mupete ‘luvungula lua ku nzubu wa Davidi’? Udi wenza nalu mudimu mushindu kayi? (Yesh. 22:22) [w09 15/1 dib. 31 tshik. 2]