Mamanyisha

▪ Mikanda ya kufila mu ngondo 5: Tshibumba tshia Nsentedi ne Réveillez-vous! Muntu yeye muleje dijinga, nudi mua kumupesha trakte wa Kuenaku musue kupeta mandamuna a nkonko eyi anyi? Nudienzeje bua kutuadija kulonga nende Bible. Panudi nupingana bua kutangila bantu bavua babuele mu Tshivulukilu anyi mu tshikuabu tshisangilu tshietu tshinene, kadi batu kabayi ne tshibidilu tshia kubuela mu bisangilu bietu, nuditatshishe bua kutuadija kulonga nabu mukanda wa Bible ulongesha. Ngondo 6: Bible utu ulongesha tshinyi menemene? Nudienzeje bua kutuadija kulonga ne muntu anu musangu wa kumpala. Pikala muntu ne mukanda eu, kadi kayi witaba bua kulonga Bible, nudi mua kumupesha bibejibeji bietu bia kale anyi broshire udi mua kumusankisha.

▪ Dipangadika: Mu Tshisangilu tshia Mudimu tshia lumingu lua dia 7 ngondo 5, mukulu umue neabale kabidi mukanda wa dia 7 Tshisua-munene 2009 uvua wakula bua kutanginuna ‘dipangadika bua Nzubu wa Bukalenge.’ Mu Tshisangilu tshia Mudimu tshia lumingu lua dia 14 ngondo 5, mutangidi wa malu a kasumbu ka bakulu neambile tshisumbu dipangadika dipiadipia. Pashishe, neatumine Biro dibeji dimue dia dipangadika dipiadipia edi.

▪ Dilonga dia Bible dia Tshisumbu mu Tshikongo, Tshiluba, Tshiluba tshia lolo ne Tshitetela: Tusumbu ne bisumbu bia miakulu eyi nebilonge pamue ne bisumbu bionso bia pa buloba bujima mukanda wa Dîyi dia Nzambi didi Yelemiya utuambila (jr) kutuadijila mu lumingu lua dia 5/11/2012 too ne lua dia 21/10/2013.