Mua kubanga muyuki
(Nuangate bia Mfualansa pikala bia Tshiluba kabiyiku)
Mua kutuadija kulonga Bible ne bantu: Disambombo dia kumpala dia ngondo wa 9
“Bantu ba bungi badi bitaba ne: Nzambi neabalumbuluishe bua bienzedi biabu dimue dituku. Udiku mumone ne: dituku dia dilumbuluisha ndituku ditudi mua kutshina anyi, ndia kutekemena ne muoyo umue? [Lekela muntu andamune.] Tangila tshidi mukanda eu wamba.” Umupeshe Tshibumba tshia Nsentedi tshia dituku 1/9. Balayi nende malu adi mu ka mutu ka bualu ka kumpala mu dibeji dia 16. Ubale nende mvese nansha umue. Umupeshe bibejibeji, numvuangane bua kulua kukonkonona diandamuna dia lukonko ludi lulonda.
Tshibumba tshia Nsentedi 1/9
“Miaba ya bungi, bakaji badi batata bua kansungasunga ne dibakengesha. Bidi bitubungamija bualu malongesha a bitendelelu bia bungi mmasake bantu ku dienza nunku. Udiku wela meji ne: Nzambi utu uditatshisha menemene bua bakaji anyi? [Lekela muntu andamune.] Tangila mudi Bible wambila balume mudibu ne bua kuenzela bakaji babu malu. [Bala Efeso 5:28, 29.] Mukanda eu udi uleja tshidi Bible wamba bua mushindu udi Nzambi umona bakaji.”
Réveillez-vous! Ngondo wa 9
“Ba bungi badi bamba ne: dimue dituku bintu bidi ne muoyo pa buloba nebibutuke. Pamuapa ku mvita ya bingoma binene anyi ku dinyanguka dia buloba dienzeja kudi ka dibulunge kadibu babikila ne: astéroïde anyi ku dishintuluka dibi dia mivu pa buloba. Udiku wela meji ne: malu adibu bamba aa mmalelela anyi mmafuanyikija patupu? [Lekela muntu andamune.] Bible udi ulaya bualu budi bukolesha ku muoyo ebu. [Bala Musambu wa 37:29.] Mukanda eu udi uleja amue malu adi bantu bamba bua dibutuka dia buloba ne malu mimpe adi Bible ulaya bua matuku atshilualua.”