Enza mudimu ne filme yetu paudi ulongesha

Pavua Yehowa muambile Abalahama ne Yelemiya malu a mushinga mukole, kavua mubambilawu anu mukana patupu to, kadi wakenza kabidi mudimu ne bintu bivuabu mua kumona bivua mua kubambuluisha bua kumvua bipepele. (Gen 15:5; Yel. 18:1-6) Tudi mua kuambuluisha balongi betu ba Bible bua kumvuabu malongesha a mu Bible ne kuanyishabu patudi tuenza mudimu bimpe ne bintu bidi bimueneka bu mudi filme yetu. Ngenyi idi kuinshi eku idi ileja dîba ditudi mua kuleja bantu imue ya ku filme yetu. Kadi ikala mumanye ne: ngenyi eyi ki mmikenji miela to, bualu balongi mbashilangane.

Mukanda wa Bible ulongesha

◻ Nshapita wa 1: Ku ndekelu kua tshikoso tshia 17 nutangile filme wa Les merveilles de la création révèlent la gloire de Dieu

◻ Nshapita 2: Ku ndekelu kuende nutangile filme wa La Bible: le livre le plus ancien toujours d’actualité

◻ Nshapita wa 9: Ku ndekelu kua tshikoso tshia 14 nutangile filme wa Les Témoins de Jéhovah: organisés pour proclamer la bonne nouvelle

◻ Nshapita wa 14: Ku ndekelu kuende nutangile filme wa La Bible: une force dans votre vie

◻ Nshapita wa 15: Ku ndekelu kua tshikoso tshia 10 nutangile filme wa Toute la communauté des frères

Mukanda wa “Dinanga dia Nzambi”

◻ Nshapita 3: Ku ndekelu kua tshikoso tshia 15 nutangile filme wa Les jeunes s’interrogent... Comment se faire des vrais amis?

◻ Nshapita 4: Ku ndekelu kuende nutangile filme wa Respectons l’autorité de Jéhovah

◻ Nshapita wa 7: Ku ndekelu kua tshikoso tshia 12 nutangile filme wa Pas de sang: la médecine relève le défi

◻ Nshapita wa 9: Ku ndekelu kua tshikoso 6 nutangile filme wa Des exemples qui nous servent d’avertissement

◻ Nshapita wa 17: Ku ndekelu kuende nutangile filme wa Marchons par la foi, non par la vue!

Kudiku filme mukuabu udi mua kuambuluisha mulongi webe wa Bible anyi? Tshilejilu, filme wa La fermeté des Témoins de Jéhovah face à la persécution nazie anyi wa Fidèles dans les épreuves: les Témoins de Jéhovah en Union soviétique, udi mua kuambuluisha aba badibu bakengesha. Filme wa Poursuivez des objectifs qui honorent Dieu ne wa Les jeunes s’interrogent... Que vais-je faire de ma vie? idi mua kuambuluisha bansonga. Ufunde tumanyinu mu mukanda webe wa Bible ulongesha ne mu wa “Dinanga dia Nzambi” bua kuvuluka dîba dinudi mua kutangila filme kampanda ne mulongi webe wa Bible anyi kumupesha bua aditangidile. Padibu bapatula filme mipiamipia, wele meji bua muudi mua kuenza nayi mudimu bua kulenga mioyo ya balongi bebe ba Bible.​—Luka 24:32.