Diambulula dia mu Kalasa ka Mudimu wa Nzambi

Nkonko idi ilonda eyi nya kukonkonona mu Kalasa ka Mudimu wa Nzambi mu lumingu luatuadija dituku dia 26 ngondo 8 wa 2013. Mbakumbaje kabidi matuku a ngondo a lumingu luvuabu bakonkonone bualu buonso bua wewe kuenza makebulula lumingu luonso paudi udilongolola bua kalasa.

1. Tudi tupeta dilongesha kayi dinene mu tshilejilu tshia Helode tshia kuitaba butumbi buvua kabuyi bumuakanyine, buvua bufumina kudi bantu? (Bien. 12:21-23) [1/7, w08 15/5 dib. 32 tshik. 7]

2. Padi bansonga bena Kristo bakonkonona ne bidikija tshilejilu tshia Timote, bidi mua kubambuluisha mushindu kayi? (Bien. 16:1, 2) [8/7, w08 15/5 dib. 32 tshik. 10]

3. Pavua Pisikila ne Akila bumvue Apolo ‘wakula ne dikima’ mu nsunagoga wa mu Efeso, bakalua kumuambuluisha ne dinanga mushindu kayi? (Bien. 18:24-26) [15/7, w10 15/6 dib. 11 tshik. 4]

4. Mbualu kayi bua mu Bible butu busaka Bantemu ba Yehowa bua kuya ku tubadi tua pa buloba bua kulamabu bukenji budibu nabu bua kuyisha? (Bien. 25:10-12) [22/7, bt-F dib. 198 tshik. 6]

5. Nansha pavua mupostolo Paulo mu buloko mu Lomo, mmunyi muvuaye utungunuka ne kupeta mishindu ya kuyisha? Batendeledi ba Yehowa ba lelu batu balonda tshilejilu tshiende mushindu kayi? (Bien. 28:17, 23, 30, 31) [29/7, bt-F dib. 215-217 tshik. 19-23]

6. Bua tshinyi Bible udi wamba mudi bienzedi bia dimanyangana dia balume ne balume anyi dia bakaji ne bakaji kabiyi bia ku tshifukilu ne bikale bia bundu? (Lomo 1:26, 27) [5/8, g-F 1/12 dib. 28 tshik. 7]

7. Mmunyi muvua mulambu wa Kristo Yezu uvuaye mufile mu tshidimu tshia 33 mua “kupikula” bantu ku “mibi ivua mienzeke” kumpala kua kuwufilabu? (Lomo 3:24, 25) [5/8, w08 15/6 dib. 29 tshik. 6]

8. Yehowa mmulongolole tshinyi ne dinanga dionso tshikondo tshitudi ne ntatu idi mitutonde ne katuyi ne mushindu wa kusambila? (Lomo 8:26, 27) [12/8, w08 15/6 dib. 30 tshik. 10]

9. Padi Bible wamba ne: “Nuikale ne tshibidilu tshia kuakidila benyi,” udi usua kuamba tshinyi? (Lomo 12:13) [19/8, w09 15/10 dib. 5-6 tshik. 12-13]

10. Anu bu mudi mupostolo Paulo utubela, tudi mua kuenza tshinyi bua ‘kuvuala Mukalenge Yezu Kristo’? (Lomo 13:14) [26/8, w05 1/1 dib. 11-12 tshik. 20-22]